Malaysia: Kajang khua i Bandar Sungai Long ah kum 10 nute nam in a sawhtu kum 40 pa cu palik nih an tlaih.

“Nam sawhtu pa hi zuu a ri i mi inn ah a lut. Kum 10 nute cu aa hngilh lio ah a luh hnawh i a tang le paw ah nam in a sawh,” tiah Kajang palik bawi Ahmad Dzaffir Mohd Yussof nih a chim.

Mah lio ahhin kum 10 nute a pa cu aa hngilh i a fanu a au ruangah aa thang.

“Nam sawhtu pa cu a zaam colh nain inn hmai ah a motorcycle a philh tak. Amah tlai tu dingah palik tampi kan thlah hna.”

“May 19 deilei sml 3.30am hrawng ah kan tlaih khawh. Palik sakhan ah ni 6 kan hren lai. Nate le zuu dur zong kan chuh.”

“Kum 10 ngakchia nute cu Kajang Sizung ah i thlop dingin kan kuat. Thil sining kan hlat tikah mipa le kum 10 nute hi aa theimi an si lo. Zuu a rit in a duhnak inn ah a lut i nam in a va sawh hi a si,” tiah palik bawi nih a chim chap. _ NST