Zaangfah Nawlnak: MyRC Card Iser Ni Le Caan Remh Tthannak

MyRC card

MyRC Card tuah ni 24/08/2018 (Ningani) kha, anmah MyRC zung lei nih an i relrem deuh lo caah minung 200 lawng rak rat pi hna u law a tang mi a dang paohpaoh kha cu 25/08/2018 (Zarhteni) tu ah rak rat pi ulaw tiah tuni lawng ah thawng an kan thanh.

Cucaah min cazin a pe mi kha minung 500 leng nan si caah 24/08/2018 Friday ni ah kan kal kho dih hna lai lo.

Akal ding mi form a rak phi hmasa lei hoih deuh in minung 200 kan in chawnh hna lai I mah lawng kha 24/08/2018 (Ningani) ah kan kal lai caah zaang fah tein theih thiamnak rak kan ngei hram uh ti ah zaang fah kan in nawl hna.

Atang mi dihlak kha athai zing 25/08/2018 ah kan in kal pi tthan te hna lai. Phone chawnh lo mi kha cu 24/08/2018 ah rat lo in 25/08/2018 tu ah nan rak ratnak lai kan in nawl hna.

Bus cu CRC in zingka sml 8:00am le 11:30am ah a chuak lai. Ihngah aum lai lo caah, caan hman tein nan rak phaak khawhnak lai kan in sawm hna. Rikhiahmi caan hlan ah nan rak phaak khawh nak dih lai kan in thanh chih duh hna.

Atu tan 24-25/08/2018 ah aa tuah manh lo, form a phi manh lo mi zong zarh khat dan in hmai lei ah tuah kan si lai caah min cazin rak pek khawh peng asi ko. Rat ni aa fiang lo mi cu CRC zong ah hlathlai khawh khawh asi. – CRC Malaysia

Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.