12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Yangon ah Covid-19 ruangah cinema zung pawl an khar ve cang hna lai

    Ṭial Tharmi

    - Advertisement -

    Coronavirus zawtnak i vennak caah tiin Myanmar ram i Yangon khuapi chung um cinema zung pawl cu tuni thok in an khar cang hna lai.

    Thamata cinema zung ttuanvo ngeitu nih “atu lio cinema zung ah piah liomi ‘ပိတောက်ကတဲ့ဂီတ’ cu tuni March 16, zinglei sml 10 ah voi 1 lawng kan piah cang lai. April thla dih tiang cinema zung kan khar lai,” tiah a chim.

    “Cunglei nih nawl a kan pek ning tein Minggalar cinema zung tang ah a ummi cinema zung vialte khar dih a si lai. A herh ning hoih in cinema zung cu khar an si lai,” tiah a chimchap.

    Myanmar President Zung zong nih, “April 30 hlan cu Thingyan puai telh in minung tampi in zei puai hmanh tuah hlah uh, cun minung tampi in um hlah uh,” tiah March 13 ah thawng a thanh.

    Yangon ah hmurhuh aa hrukmi

    Thingyan puai cu April 13 in 16 tiang tuah asi tawn nain tu kum cu April thla thih tiang tuah a ngah lo.

    Coronavirus cu vawlei cung ram tampi ah a karh cang i thiamsang le ramkip cozah nih biatak tein an buaipi cio lio a si.

    US ram, Los Angeles khuapi zongah coronavirus zawtnak karh hlah seh tiin zuudawr, nightclub le rawl dawr pawl zong an khar thluahmah hna.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.