June 9 ah South Korea ram, Seoul khuapi i Olympic Hall ah Asia Model Festival puai an tuah i Myanmar ram in actress Wutt Hmone Shwe le model Han Thi nih laksawng 1 veve an hmuh.

Wutt Hmone Shwe Yi nih ‘Asia Special Award’ le Han Thi nih ‘Model Star Award’ an hmuh.

2019 Asia Model Awards pek puai ahhin Asia ram in minthang tampi nih laksawng phunphun an lak hna.

Special Award ahhin Myanmar ram in Wutt Hmone Shwe Yi, China ram in Lai Khuanlin le Kazakhstan ram in Aidana Medenova nih an lak.

Model Star Award ahhin Myanmar ram in Han Thil le Philippines in model minthang nih an lak ve.

Wutt Hmone Shwe Yi le Han Thi nih laksawng an lak pah in mipi sin lunglawmhnak bia an chim. Wutt Hmone Shwe Yi cu Mirang holh le Kawl holh in a chim.

Han Thi cu Korea holh deuh lawngte in lawmhnak bia a chim ruangah caantlaitu nih na thiam tuk tiin an thangthat len. A tanglei ah an video zoh khawh a si.