Tleirawl pa pakhat cu WiFi password kong ah a farnu thih lak in a hngawng dih caah naite ahkhan biacieh zung nih nun chung thongthlak dingin bia a khiahpiak.

US ram, Georgia state ah a ummi Kevon Watkins (kum 18) nih 2018, February thla ahkhan WiFi password kongah a farnu Alexus Watkins (kum 19) a rak thah.

Mah lio ahhin Kevon cu kum 16 lawng a si rih.

Kevon Watkins nih video game celh a duh ruangah internet rang deuh seh a ti i an inn ummi WiFi cu amah lawng theih dingin password a thlen.

Hringtu a nu nih game celhnak thilri hlonhpiak a timh ruangah bia an i al.

Hringtu a nu he WiFi password le game kong bia an i al lio ah a farnu Alexus (kum 20) nih ka nu a velh sual lai ti a phan caah a ttapa cu a zuan hnawh.

An pahnih in ttuangah an tlu i an i vel.

Watkins nih a farnu Alexus cu a hngawng in minutes 15 chung a dih. Palek an rak phanh hnu lawngah a thlah. Nain, Alexus cu a thaw um ti lo.

Nihnih chung bia an ceih hnu ah nun chung thongthlak dingin bia an khiahpiak hi a si.

Alexus Watkins cu a thih ah hin kum 3 fapa pakhat a ngei. A tlangval pa he zong hamnak an tuah cang. _ The Sun

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.