19.5 C
Hakha
Monday, November 29, 2021

Tial Thang: Pakhatnak ah PATHIAN cungah kaa lawm

March 8 — Pathian aa bochanmi Chin pasal Tial Thang nih zumhngamhnak he a phuan cia bangin Cambodia pa Rin Saroth cu a tei taktak cang.

Teinak a hmuh cangka in “hmasa bikah Pathian cungah kaa lawm” tiah a nungmi Pathian a thangtthat.

“Atu bantukin thazaang nan rak ka pek caah kaa lawm tuk. Hmailei cu atu nak ttha deuh dingin kaa zuam lai.

“I love you Myanmar!,” a ti.

“Cun, Aung La na cungah kaa lawm. Nangmah lo cun.. zeihmanh ka si lo. Hohmanh nih an ka cohlang duh lo, nangmah lawng nih naa ka cohlan. Kaa lawm ka upa,” tiah Tial Thang @Tial Cung Thang nih a sayapa Aung La cungah aa lawmhnak a chim.

Tial Thang a lungput hi uar a um taktak. Minung tampi cu teinak kan hmuh tikah Pathian kan philh tawn. Zeihmanh kan si lo lio i a kan bawmtu minung kan philh tawn hna.

Nain, Tial Thang cu teinak a hmuh cangka in Pathian a thangtthat. A saya (coach) Aung La zong a thangtthat. Thazaang a petu mipi le a chuahkehnak ram Myanmar cungah lawmhnak bia a chim. Hihi pasalttha, zohchun tlak lungput taktak cu a si.

An i tthuatmi a thok in a dongh tiang zoh tikah Tial Thang nih a tei deuh tuk ti cu al awk ttha loin zapi nih fiang tukin hmuh khawh cio a si. Atu le tu a tengh, a khuk he, a kio he, a kuttum he, a ke he voi tamtuk liangluang a tthuat.

Cambodia pa zong a za ngai ve ko nain, a kio, a ke le a kuttum in tlawmpal a tthuatmi lawng si. A tengh zong a teng kho bal lo.

Lung a hmui khunmi cu biakhiaktu dihlak (3) nih “Tial Thang nih a tei ko” tiah bia an khiahmi hi si.

Biakhiaktu 2 lawng nih a tei tiin, adang 1 nih Cambodia pa nih a tei hei ti sehlaw cu lung a hmui deuh hnga lo. An 3 ning te bakin “Tial Thang nih a tei” an timi hi lung a hmui kho tuk.

ONE Championship ah Chinmi an i tthua bal lo. A mi chuih a pin taktakmi “Limkeng Ke” Tial Thang nih tuzaan ah tuanbia 2 a ttial. ONE Championship ah aa tthuat pinah teinak a hmuh.

A hmun “Yangon khuapi um Thuwunna Innchung Buan” ah a zohtu Myanmar rammi vialte an i lawmh tuk ah khuari bang an tur. Vanraang tang Chinmi le Myanmar rammi vialte nih kan lawmhpi tuk cio lai tiah kan zumh.

Congratulations to Tial Thang!

Tial Thang, kum 25 cu a nupi Jennifer Kipte le an fapa 2 he US ram New York state ah an um. Laitlang a khua cu Hakha (Khuathar sang) a si i, a phun cu Zathang a si.

Tunai te ah a thaisung Jennifer Kipte nih “Bawipa ka lawm tuk. Jesuh cu bawipa si.” tiah aa lawmhnak a ttial.

Tial Thang hi Chin paih zong a thiam taktakmi, US ah voi 4 champion a ngahmi si. US ram ah MMA zong aa tthua lengmangmi le teinak a hmu lengmang cangmi a si.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi