Victoria tlaihhrem kongah palhnak pa khatkhat um sual ahcun palek nih tuanvo an lak lai

Victoria

“Victoria tlaihhrem kong ah Ko Aung Gyi cu mi tlaihhremtu a si lo ahcun palek nih tuanvo an lak lai,” tiah Myanmar President Zung biachimtu U Zaw Htey nih a chim.

“Rian a ttuantu le rian a tlaitu tiin voi 2 kan chim cang. Atu tiang Victoria case cu an lim rih lo. Kan hngah lio a si.”

“Victoria case cu biaceih zung nih bia a khiah hnu ah pa khatkhat palhnak a um sual ahcun palek nih tuanvo an lak dih lai,” tiah U Zaw Htey nih a chim.

Myanmar president U Win Myint zong nih Victoria tlaihhrem case cu upadi ning tein tawlrel dingin a fial hna.

Nithumni ahkhan biaceih zung i biaceih bawi nih tlaihremtu tiah puhmi Aung Gyi hmanthlak cu Victoria a zohter. Nain, Victoria nih ka theihmi a si lo a ti.

“Sayama nu a fapa 2 an si a ti. Sayama nu a fapa ngakchia deuh nih ka ttang a ka cumh. A upa nih ka zunzunnak a ka sihpiak,” tiah Victoria nih a chim.

Dekkhinathiri District Court nih Victoria tlaihhrem kongah biaceihnak voi 6 a tuah cang. September 24 ah an peh rih lai.

Victoria (kum 3) cu May 16 ahkhan Naypyidaw ah a ummi Wisdom Hill sianginn ah tlaihhrem a tong.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.