USDP: 2020 thimnak ah teinak kan hmuh lai

2020 thimnak ah teinak kan hmuh lai

Zuamcawhtu party simi USDP nih a ra laimi 2020 thimnak ah teinak kan hmuh lai tiin zumnak an ngeihnak kong an chim.

Naypyitaw um USDP party zung ah September 14 in 15 tiang tuahmi avoi 5nk Central Committee meeting an tuah a dih hnu ah a tu bantuk in USDP party lei biachimtu U Thein Tun Oo nih a chim hi a si.

“A ra laimi a neih bikmi thimnak ah USDP party nih limhaang ngei tein teinak kan hmuh lai tiah kan zumh. Cu dirhmun zong cu ka phan lai tiah kan i ruah. Kanmah party he ttantti tiang a duhmi an um te lai,” tiah U Thein Tun Oo nih a chim.

“2020 thimnak caah USDP party in MP aa cuh ding kan thim hna tik zongah mipi cung dawtnak a ngei dingmi, thilttha a tuah dingmi le khuami he aa dawrem kho dingmi kan thim hna lai. Atu hi mah bantuk MP cu kan kawl cuahmah lio a si,” tiah U Thein Tun Oo nih a chimchap.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.