17 C
Hakha
Sunday, August 9, 2020

US um CRO nih Malaysia le India um Chin mipi caah bawmhnak a kawlpiak hna

- Advertisement -

US um Chin Relief Organization (CRO) nih coronavirus zawtnak ruangah harsatnak a tongmi Malaysia le India (New Delhi) um Chin mipi caah GoFundMe in bawmhnak a kawlpiak hna tiah kan theih.

Atu lio cu Covid-19 zawtnak ruangah Malaysia le India cozah nih lengchuah an phih i Chin mipi cu rian an ttuan khawh ti lo caah harnak an tong.

India hawi hna cu palek nih leng chuakmi an hmuh hna ahcun fung in an tuk hna. An dawi hna i an tlaih hna. Tthutdir zong an tuahter hna.

New Dehli ahhin Chin miphun 5,000 reng lo an um rih tiah kan theih. Leng chuak ngam lo le rianttuan ngam loin inn chungah an um hna i atu hi eiawk ngai lo, a har taktakmi Chinmi tampi an um cang.

Malaysia ram zongah cozah nih a rammi telhin aho paoh lengchuak lo dingin nawl a chuah. A herh taktakmi a um hmanh ah chungkhar 1 ah minung 1 lawng lengchuahnak nawl a pek hna. A zul lomi paoh tlaih in dantat le thongthlak an si.

Cu caah, Malaysia um Chin mipi pawl zong rian an ttuan kho ti hna lo i dineiawk le tangka hman awk ngei lo, harnak a tongmi tampi an um. Malaysia ahhin Chinmi 30,000 renglo an um.

Indianapolis khua um CRO nih Malaysia le Delhi um Chin mipi hna caah GoFundMe a tuahpiak hna i aho paoh i tel khawh a si. Atu tiang ah $933 an hmuh cang. A tang link hi hmeh in sian zat bawmh khawh an si.

https://www.gofundme.com/f/india-and-malay-chin-relief-fund?utm_medium=copy_link&utm_source=customer&utm_campaign=p_lico+share-sheet

Hi GoFundMe in a pe kho lo mi caah Check le Cash in pek khawh a si i Chin Brother Restaurant le Van Family Asian Grocery Dawr ah pek khawh a si lai.

Cun lengchuah nan ngamh lo ahcun nan inn te ah riantuantu nih rak lak khawh a si fawn lai.

Cash le Check in pek a duhmi hna caah a tanglei phone number pawl ahhin pehtlaih khawh an si.

  • 1. Selly Tha Len Par- Ngun Keng. ( 317-946-8337)
  • 2. Salai Cung Khenglawt ( 317-954-6065 )
  • 3.Salai Duh Lian Mang (317-473-1234 )
  • 4.Al Bik Lian Zathang ( 317-992-9398 )
  • 5.Pu Van Ceu Mang Hlawnceu ( 317-701-5427 )
  • 6. Lian Thawng ( 240-786-8162 )
  • 7.Chelsea Bawi (317-3406672 )
  • 8.Lai Kam Thang (317-5294540 )

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...