18 C
Hakha
Tuesday, September 21, 2021

US, Texas Biakinn 4 nih chiaṭha-khat ṭhitum an onh cang

  • Chinmi tampi kan umnak Texas state um Baptist biakinn 1 nih chiaṭha-khat ṭhitum a onh
  • Texas state um baptist biakinn dang 3 nih 2017 ah an rak onh ve cang. 4 bak nih an onh cang tinak si
  • Hell tlaknak si maw? Chin khrihfabu nih kan onh ve te hnga maw? Kan pastor te le Bible a hngalmi nih comment ah kan fianh cio ulaw

US ram, Texas state i Waco khuapi um baptist biakinn pakhat nih nu le nu, pa le pa tthitum an onh cang.

Waco khuapi um University Baptist Church (UBC) nih, “kan pastor te cu kan biakinn chungah chiaṭha-khat lehthahnak nawl kan pek cang hna,” tiah Zarhpini ah thawng a thanh.

Texas state um baptist khrihfabu vialte i funtomnak bu (Texas Baptists) phungphai nih, biakinn chungah chiaṭha-khat ṭhitumnak tuah a onh lo nain UBC nih anmah biakinn ah a onh hi si.

Waco khuapi um UBC biakinn

UBC hruaitu pawl nih, “liamcia thla 4 lio ah nan hmai ah kan dir i kan biakinn hi chiaṭha-khat ṭhitum puai tuahnak caah hman nan duh maw, kan pastor te hi chiaṭha-khat lehthahnak nawl kan pe hna lai maw, tiah kan in hal hna,” ti aa ttialmi ca cu aa pummi pawl sinah an pek hna.

“Hnu ah hruaitu pawl vote thlaknak kan tuah. Chiaṭha-khat ṭhitumnak caah kan biakinn hman dingin kan lungtling. Kan pastor pawl chiaṭha-khat lehthahnak nawl pek hna dingin kan lungtling fawn,” tiah an ṭial.

“Nu si nain nu a duhmi, pa si nain pa a duhmi, nu he pa he a duhmi, nu a si nain pa bantukin a ummi le pa a si nain nu bantukin a ummi (LGBT) pawl caah ngaihchiatnak chuah tertu kan si sual lai ti kan phan caah mah hi kan onhnak a si,” an ti.

2017 February thla zongah Texas state um baptist biakinn 3;

  • Waco khuapi um Lake Shore Baptist Church,
  • Austin khuapi um First Baptist Church le
  • Dallas khuapi um Wilshire Baptist Church nih an biakinn ah chiaṭha-khat ṭhitum an rak onh ve. Tutan he cun baptist biakinn 4 bak nih an onh cang tinak a si.

Texas Baptists biachimtu Joshua Minatrea nih, “UBC nih an biakinn chungah mah bantuk an onhmi hi kan phungphai he ai kalh pinah, Baylor University le Truett Theological Seminary phungphai he zong ai kalh,” tiah a chim.

2015 June 26 ah US Biaceihzung Sangbik nih ram pumpi ah chiaṭha-khat ṭhitum a rak onh, nain Khrihfa biakinn tampi nih cun an biakinn chungah an onh hna lo. — The Christian Post

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi