12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    US States 5 nih “inn ah um uh” tiin nawl an chuah ve cang – Coronavirus update

    Ṭial Tharmi

    - Advertisement -

    US ram state 5; California, Connecticut, Illinois, New Jersey le New York cozah nih “coronavirus zawtnak karh a nuarh deuhnak hnga inn chungah um uh” tiin nawl an chuah ve cang.

    “Ṭuan lo awk a ṭha lomi rian a ṭuanmi lawng leng chuah nan ngah, a dang paoh cu inn chungah nan um hrimhrim lai,” tiin nawl an chuah.

    Mipi ni fatin nunnak caah a herhmi dawr restaurants (takeaway lawng), supermarkets, grocery stores, pharmacy, hospitals, gas station, tkb., pawl lawng an on hna lai. A herhmi cawk ruah ah minung pakhat lawng leng chuah le exercise tuah cu a ngah.

    State 5 minung 84 million hrawng cu Malaysia bang inn cungah um dih an hau cang.

    California state cozah hruaitu Gov. Gavin Newsom nih order cu a chuah hmasa cem. Mah hnu ah state 4 nih an zulh ve. A rauh hlan ah state dang pawl zong nih nawl an chuah cio lai tiah zumh asi.

    California cu minung 40 million dengmang an um. US state 50 lakah minung tambiknak state asi.

    Mah ca ka ṭial lio tiangah, California state ah coronavirus in a;

    • zawmi = 1,265
    • thimi = 24
    • dammi = 6 an si cang. Mah ca na rel tik ahcun tampi an karh kho.

    New York sate cozah hruaitu Gov. Andrew Cuomo nih, “kan state chung sizung an i phanzo deng ti lo, inn chung um dingin order kan chuahmi nih a phisin khawh lai ti kai ruahchan,” tiah a chim.

    New York state ahhin minung 20 million hrawng an um. Coronavirus zawtnak ngeimi tam deuh cu New York City khuasa an si.

    Coronavirus in a;

    • zawmi = 10,000 leng
    • thimi = 56
    • dammi = 0 an si. US ram ah atutiang coronavirus zawtnak ngei an tambik nak state asi. Mah ca na rel tik hin cun tampi an karhte kho.

    Illinois state cozah hruaitu Gov. J.B. Pritzker nih, “minung thongsawm tampi nunnak kan sunghnak hnga lo, inn ah um cio dingin a rannak in nawl kan chuah hrimhrim a herh,” tiah nawl a chuahnak kong cu a chim.

    An state ahhin minung 12.6 million an um. Nawl a chuahmi cu Zarhteni (tuni) zaanlei 5pm in aa thok lai.

    Coronavirus in a;

    • zawmi = 585
    • thimi = 5
    • dammi = 2 an si.

    Connecticut state cozah hruaitu Gov. Ned Lamont nih, “inn ah um dih uh, nawl chuahmi a zul lomi cu tangka dantat nan tong kho,” tiin nawl a chuah ve.

    An state ah minung 3.5 million an um. A zawmi 194 le a thimi 4 an si.

    Nawl a chuahmi cu Nikhatni zaan 8pm in aa thok lai.

    New Jersey state cozah hruaitu Gov. Philip D. Murphy nih, “minung inn chungah nan um dih lai, mipi ni fatin nunnak caah a herh lomi kan state chung dawr vialte zong nan khar dih hna lai,” tiah nawl a chuah ve.

    A zawmi 890 le thimi 11 an si. An state ah minung 9 millions hrawng an um.

    Mah ca ka ṭial lio tiangah US rampumpi ah coronavirus zawtnak ngei 22,000 leng an si i a thimi 282 le a dammi 147 an si cang.

    Charhchan: The New York Times, The Washington Post, CNN, WHO

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.