12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    US ram Seattle khua ah Coronavirus khamnak sii an test lai

    Ṭial Tharmi

    - Advertisement -

    Washington — Coronavirus khamnak caah an sermi sii cu Nikhatni (Asia caan thaizing) ah US ram Seattle khuapi ah an test cang lai tiin cozah rianṭuan pakhat nih a chim, tiah US media AP nih a thanh.

    Hneksaknak sii cu Nikhatni ah avoi 1nak bik minung pakhat cungah an test lai, mah hi zapi theih in thawngthanh asi rih lo caah ka min cu langhter hlah uh, tiin cozah rianṭuan pakhat nih a chim.

    Hneksaknak/test cu National Institutes of Health (NIH) tangka in, Seattle um Kaiser Permanente Washington Health Research Institute zung ah tuah asi lai.

    Cozah Ngandamnak Zung rianṭuan pawl nih, “zei bantuk kakuaisii an ser zongah hman awk a ṭhat/lo fiang tein hngalh khawhnak ding ahcun kum 1 in kum 1 cheu hrawng a rau lai” an ti.

    Sii cu NIH le Moderna Inc. nih an sermi asi. Aa pumpemi mino 45 sinah phun dang cio in an test lai. An test mi hna cu coronavirus zawtnak an ngei sual lai ti phan awk um lo, aruang cu kakuaisii an sermi ah coronavirus aa tel lo. Kakuaisii hi minung tampi sin an test hlan ah ‘adangdang (side effects) a chuahternak hnga lo’ minung tlawm deuh sinah test hmasa an timhnak si.

    Vawlei cung hmun kip in sii research tuahtu tampi nih coronavirus khamnak sii (kakuaisii) ser cu an i zuam cio hna. Phun dang cio in kakuaisii cu an ser. Cheukhat nih technology thar in an ser. Technology thar in sermi pawl cu voi dang tawn ningin sermi nakin chuah a ran deuh pinah a sii tha zong a ṭhawng deuh.

    Cheukhat cu, thla 1 lole 2 hrawng ngandamnak a ṭhawntertu lawlawse kakuaisii ser zong an i zuam. Mah kar cun caan saupi a nguhmi kakuaisii kan ser lai, an ti.

    Coronavirus zawtnak a ngei tharmi tam deuh cu fak tukin an zaw lo, taklinh le khuh lawng si. Cheukhat, abikin kum upa deuh pawl le zawtnak dang a ngei liomi pawl cu fak tukin an zaw i pneumonia tiang a ngeihter chih hna.

    Coronavirus nih vawlei cungah minung 156,000 leng a zawtter cang hna i minung 6,000 leng a thah cang hna.

    US ah a thimi 65 an si cang. US ram state 49 le District of Columbia ah minung 3,485 an zaw cang.

    Mi tampi cu an dam ko. Vawlei Ngandamnak Bu (WHO) nih a chim ning ahcun, coronavirus nih fak tukin a zawt ter lomi pawl cu zarh 2 hrawng ah an dam ko, fak deuh in a zawmi pawl cu zarh 3 in zarh 6 kar ah an dam.

    Phun dangin chim ahcun, coronavirus ngeih ruangah thih asi thlu lo. A ngeimi chungah a thimi nakin a dam tthanmi an tam deuh tuk. Ngeih lo dingin i ven cu a herh, nain ngeih sual zongah lung dongh awk si lo.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.