17.1 C
Hakha
Sunday, August 9, 2020

US nurse pakhat nih a rian a chuah tak

- Advertisement -

US: Illinois state, Winfield ah a ummi Northwestern Medicine Central DuPage Hospital ah Covid-19 mizaw zual a zohkhenhtu nurse Imaris Vera nih a rian a chuah tak.

“Sizung rianttuanmi nurse pawl cu aho hmanh mask kan i hruk hna lo. Khat le khat report pek caan zong ah aho hmanh mask kan i hruk hna lo.

“N95 mask ka ngei nain kan manager nih hruk a ka sian lo. Thil kan i zat lomi ka hngalh ko nain ka hnangamnak ah keimah le keimah vennak nawl cu ka pe ko ka ti. Chungkhar ngeimi le inn ttin dingmi zong ka si ka ti nain a duh lo. Cucaah, ka rian ka chuah tak,” tiah Imaris Vera nih a chim.

Imaris Vera nih thil sining le a rian a chuah taknak kong a chimmi video cu March 31 ah Instagram ah a tar i online ah a lar ngai.

Mizaw register tuahtu nurse zong Covid-19 mizaw a cawnghhramh ve caah an manager sin ah amah tein aa cawkmi zawtnak i vennak thilthuam (PPE) i hruk dingin a hal nain an manager nih a sianh ve lo.

“Atu hi Covid-19 mizaw zohkhenh rian ka kawl lio a si. Mask le PPE hruk a ngahnak le ka him ko ti ka ruahnak hmun lawngah ka ttuan lai.

“Ka rian ka chuah takmi hi keimah le ka chungkhar himnak caah a si. Kan thazaang a der ahcun mi nunnak khamh rian kan ttuan kho ti lo,” tiah Imaris Vera nih a ti.

Imaris (kum 30) a nau Sabrina cu atu hi thi lei zawtnak a ngei i Covid-19 zawtnak nih a tlunh ve sual ahcun a nunnak caah ttihnung ding a si caah Imaris nih a rian chuah tak hi a si.

US ram chung ahhin ttha tein register aa tuahmi nurse hi 3.8 million hrawng an si i cu chungah nurse 500,000 cu mizaw zual zohkhenhnak ah an ttuan.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...