US nih Iran lei ah Raltuknak Tilawng le Bomb Ralkap a thlah hna

US nih Iran lei ahh Raltuknak Tilawng le Bomb Ralkap a thlah hna

Washington — US nih raltuknak vanlawng phortu tilawng le bomb kaptu ralkap pawl cu Iran ralrin peknak caah Middle East lei ah a kuat hna, tiah President ruahnak petu John Bolton nih a chim.

“Iran a ziaza lehrulhnak caah, US nih raltuknak vanlawng phortu tilwang USS Abraham Lincoln le bomb ralkap pawl cu US Central Command lei ah kan kuat hna,” a ti.

“US asiloah a ttantti ram pakhat khat ka tuk sual ahcun tuar khawh lo tiangin a tthawngmi ralkap kut ka tuar la, ti hi Iran cozah nih a hngalh khawhnak dingah kan kuatmi hna.

“US nih Iran cozah he ral thawh kan i timhmi a si lo, nain a kan tuk sual lehlam ahcun leh colh dingin timhcia bak kan si. Iran cozah ralkap nih a kan tuk zongah, Iran nih a bawmhmi ralhrang nih a kan tuk zongah Iran cozah nih a tuar lai,” tiah John Bolton nih a chim.

Raltuknak tilawng USS Abraham Lincoln

Zei ruang thengte ah ti cu a langhter lo nain, Gaza um Palestinian muslim ralhrang pawl le Israel ralkap fak taktak in an i kah cuahmah lio ah a kuat hna tikah ruah cu a um ngai.

Israel cu US a ttantti ram a si i Palestinian umslim ralhrang pawl ci Iran cozah nih a bawmhmi an si.

Cun, Obama nih Iran he nuclear hnatlaknak a rak sermi President Trump nih a hrawh caah atu hi US le Iran cozah an i huat taktak lio a si. US nih Iran chawlehnak phihpiak a timh lio si fawn. — AFP le Sydney Morning Herald

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.