29.1 C
Hakha
Tuesday, March 31, 2020
More

    US: Indianapolis khua ah Chin pa a ruak in an hmuh

    Ṭial Tharmi

    - Advertisement -

    US ram Indianapolis khua ah palek nih Chin pa ruak an hmuh. A ruak cungum a ID le Driver License an zok tikah a min cu Van Biak Lian asi.

    Van Biak Lian hi Ohio state i Columbus khua ah hringtu a nulepa he khuasa mi asi. A ruak an hmuhnak zawn cu Indianapolis khua i Chinmi tamnak Shelby le Stop 12 lam aa tonnak kam ah asi.

    Zei ruang set ah dah a thih ti cu hngalh asi rih lo nain, mi nih fakpi in an velh hnu ah lamkam ah an hlonhmi si men lai tiah palek nih an zumh.

    Kum 37 Chin pa cu Thantlang peng Thau khua ah a rak chuakmi asi.

    A ruak an hmuh hi February 14 (Asia caan in February 15) ah asi.

    Indianapolis khua ṭhiamṭhiam ah February 4 ahkhan Chin pa nih a nute cu a lu ah a hliam i zarh khat leng sizung ah aa thlop hnu ah a nunnak liam i February 15 (US caan) ah a ruak an vui lai, tiah Chin Cable Network Channel nih a ṭial.

    Ref: Pau Lam Piang, Van Tha Kam Thang le CCN Channel

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.