US, Indiana ah palek nih meithal in mi pakhat a kah

Indiana ah palek nih meithal in mi pakhat a kah

US ram, Indiana state i Crawfordsville khuapi ah mi pakhat cu palek nih meithal in a kah i sizung a phan. Nihnihni zaan deilei (Nithumni khuadei hlan) ah a kah hi si.

South Walnut Street i 300 block inn chungah ‘mi pakhat amah tein thah ai tim’ tiah Crawfordsville Palek Sakhan an chawnh hna.

Palek an va phanh cangka in, palek cu meithal in a sawh colh hna, mah le mah i vennak caah palek pakhat nih a kah.

Mah pa/nu cu Crawfordsville khuapi i sizung pakhat ah an kuat. A hma cu nunnak caah ttihnung a si lo. Palek cu hliam an tong lo.

Meithal kah a chuahnak hi Wabash College he aa naihte. Siangngakchia umnak inn tlawmpal lawng nih a dan.

Siangngakchia cu an i tel lo, meithal kah a chuahnak inn hi siangngakchia inn a si lo. — Fox59

Indiana hrambunh US media Fox59 nih acunglei vial lawng hi a ttial. Nu le pa a si zong a ttial lo. A min le kum zong a ttial lo.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.