15.6 C
Hakha
Sunday, July 25, 2021

US in Kawlram ah nupi a tthimi Chin pa cu thongthlak le tangka liamter a tong

US in Kawlram ah a rak tlung i Tamu peng ah nupi tthit puai a tuahtu Chin pa Thang Len Sing cu thong thla 6 le tangka Kyats ting 10 liam dingin Tamu peng biaceih zung nih April 3 ah bia a khiah.

Len Sing cu US citizen a ngah cangmi a si i March 28 ahkhan Tamu peng, Khawhmun Nuam khuate ah a nungak La Lam he tthitum puai an tuah. Tamu peng cozah nih mitampi nan i bu lai lo tiah nawl a chuahmi zul loin tthitum puai a tuah ruangah tlaih le thongthlak a ton hi a si.

Tamu peng biaceih zung nih Thang Len Shing cu upadi 2 a buar caah thong thla 6 le tangka Kyats ting 10 liam dingin bia a khiah. Tangka a liam khawh lo ahcun thla 6 thongthlak chap siseh a ti i tangka cu a liam cang.

Cu pinah, a pa Pu Thang Khu Lun zong US citizen a si i aa ttumhnak Thang Len Shing inn nih cozah sinah thawng a thanh lo caah tangka Kyats ting 10 dan an tat. Tangka a liam khawh lo ahcun thla 6 thongthlak ding a si i Pu Thang Khu Lun nih tangka cu a liam cang.

Tamu peng ah April 3 tiang ah ramdang in a rak tlawngmi minung 57 an um i Covid-19 zawtnak an ngeih sual pingpang ah tiin hmun 11 ah anmah dang tein cozah nih a chiah hna. – The Irrawaddy Burmese

Malaysia COVID-19

Malaysia
996,393
Mizaw Hmuhmi
Updated on July 25, 2021 2:46 am
Malaysia
834,858
A Dammi
Updated on July 25, 2021 2:46 am
Malaysia
7,902
A Thimi
Updated on July 25, 2021 2:46 am
Malaysia
153,633
Zaw Liomi
Updated on July 25, 2021 2:46 am

Ṭial Tharmi