18 C
Hakha
Tuesday, September 21, 2021

US, Florida ah vanlawng Boeing 737 a nal, minung 21 hliamtuar

Jacksonville, Florida — Minung 143 a phormi vanlawng Boeing 737 cu thlichia ruangah ralkap sakhan vanlawng tual ah a ttum i a tlik lio ah a nal caah St. Johns tiva chungah a tla, minung 21 hliam an tuar.

A thimi an um lo, nunnak caah ttihnung tiangin aa khawngmi an um lo. Florida caan Ningani zaan 9:40pm ah a cangmi si.

Jacksonville khua palek nih “minung 21 aa khawngmi cu thlop dingin sizung ah kan kuat hna i an dam tuan ko lai,” tiah Twitter ah an ttial.

Vanlawng cu Cuba ram i Naval Station Guantanamo Bay in a rung zuangmi a si. Khualtlawng 136 le vanlawng chung rianttuan 7 a phorh hna.

9:40pm ah Florida state i Jacksonville khua um Naval Air Station ah a ttum a tlik lio ah a nal i tiva chungah a tla, tiah Florida vanlawng tual aiawh biachimtu nih a chim.

“Vanlawng cu ti chungah a pil lo. Aa citmi vialte an nung dih ko,” tiah Jacksonville palek nih an chim.

Jacksonville khuabawi Lenny Curry nih, “US President Donald Trump phone aa k a chawnh i bawmh nan hau lai maw? aa ka ti,” tiah a chim.

“A thimi an umlo. Aa khawngmi vialte bawmh dingin timhcia kan si,” tiah a chimchap.

“Khuari le nimtlau lakah vanlawng cu a ttum ding si caah fawi le bai ah a ttum kho lo,” tiah aa citmi pakhat nih a chim.

“A vun ttum i vanlawng nih vawlei a tongh ahhin aa hlok chih len, vanlawng mong nih vanlawng a control kho ti lo ti a fiang tuk, aa hlok tthan thluahmah, tuksapur in kan um dih hna,” tiah a chimchap.

“Lam a nal lio ah plastic hrawl kaa suk. Ti chungah kan tla, tiva chungah maw kan tlak rili chung ah dah ti zong kan hngal lo,” tiah aa cit vemi Chicago khuami Bormann nih a chim.

Vanlawng cu Miami Air International company ta a si. Vanlawng sertu company Boeing sinah a cawkmi a si.

Boeing biachimtu nih “mah thawngpang hi kan theih ko, thil sining kan hlat cuahmah lio a si caah atu cu bia chim awk kan ngei rih lo,” tiah a chim. — Reuters

Malaysia
2,112,175
Mizaw Hmuhmi
Updated on September 21, 2021 10:41 am
Malaysia
1,880,733
A Dammi
Updated on September 21, 2021 10:41 am
Malaysia
23,744
A Thimi
Updated on September 21, 2021 10:41 am
Malaysia
207,698
Zaw Liomi
Updated on September 21, 2021 10:41 am

Ṭial Tharmi