15.8 C
Hakha
Wednesday, August 12, 2020

US: Covid-19 nih minung 1,000 leng a thah cang hna, a zawmi 69,000 leng

- Advertisement -

US ram ah Covid-19 zawtnak nih minung 1,046 a thah cang hna, a zawmi dihlak 69,197 an si cang. Mah ca na rel tik ahcun tampi an karh manhte kho men.

New York state ah a thimi le zawmi an tam cem. A thimi 300 leng le zawmi 30,000 leng an si cang.

Chinmi tambik kan umnak Indiana state zongah minung 14 an thi cang i a zawmi 477 an si cang. Marion County ah a zawmi (226) le thimi (6) an tam cem, tiah Indiana State Ngandamnak Zung nih a langhter.

Chinmi tampi kan um venak Texas state zongah minung 12 an thi cang, 974 an zaw cang. Dallas county ah a zawmi an tambik i 169 an si cang. A changtu ah Harris County (134) an si cang, tiah Texas State Ngandamnak Zung nih a langhter.

US Hlutdaw Sang (Senate) nih Covid-19 dohnak caah tangka $2 trillion hman dingin a fehter cang. $2 trillion cu rianṭuan pawl, company le dawr pawl le ngandam zohkhenhnak (sizung, clinic, tbk.,) pawl bawmhnak caah an hman lai.

Mah lio cun, UN lutlai Mr. Antonio Guterres nih, “ram sifak pawl Covid-19 doh bawmhnak caah tangka $2 billion kan herh…” tiin bawmh halnak a tuah. UN a bawmbiktu cu US asi peng.

Covid-19 nih vawlei cungah minung 21,000 leng a thah cang hna. 472,000 leng a zawt ter cang hna. Minung 114,000 cu an dam cang, tiah Johns Hopkins University nih a langhter.

Spain ram ahcun suimilaam 24 chungah minung 700 an thi. A thimi dihlak 3,657 le zawmi 49515 an si cang. Vawlei cungah a thimi an tambiknak ram 2nak asi. 1nak cu Italy ram asi i 7,502 an thi cang, a zawmi 74,386 an si cang.

China ram ah a zawmi an tambik i 81,782 an si nain a thimi 3,291 an si. Italy le Spain nakin a thimi an tlawm deuh.

Kan umnak ramkip ah ralring tein um cio hna usih. A bikin zawtnak dang a ngei liomi, kum upa le thisa dermi hrim cu kan i ralrin khun a herh. Kan thi a ṭhawnnak hnga mitkuh vuai tein it usih law ti tampi ding usih.

Zawtnak kan i ku nakhnga lo a herh lo ahcun lengchuak hrimhrim hlah usih, leng na chuah ahcun mask i hruk law chapiat in na kut thiang tein nai ṭawl hlan lo na hmai, hnar, kaa i tawng hlah.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...