19.5 C
Hakha
Monday, November 29, 2021

US Chin pafa 3 nam sawh an tong

Texas state, US — Midland khua ah khuasami Pu Bawi Cung Nung le a fapa 2 Robert Uk Lian Bawi le Samuel Van Dawt Cung cu thil zuarnak dawr Sam’s Club an kal lio March 14 zaanlei 7:30pm ah mipa nih nam in a sawh hna, Midland sizung ah an thlop hna lio asi.

A sawhtu pa cu kum 19 asi i a min ah Jose Gomez asi. Hispanic miphun asi.

Pu Bawi Cung Nung le a fapa 2 lawng si loin, Sam’s Club dawr rianṭuan pa zong a sawh ve. Sam’s Club rianṭuan pa nih misualpa cu a tlaih i a thluk. Mah lio cun a sawh ve hi si.

Mah hnu ah, duty a ciah lomi ramri hngak palek nih a tlaih. 7:32pm ah Midland khua palek (MPD) an rung phan. Hliam tongmi 4 cu khua chung sizung ah an kalpi hna. An sining fiangin theih si rih lo.

Pafa hna cu Midland um Chin Emanuel Baptist Church member an si.

“A fapa Robert cu a hmai (a hnakhaw in a mittlang tiang) tleng lakin a sawh i a hma fak ngai.

“A fapa hniang Samuel Van Dawt Cung cu a kengah nam sawh a tong. Pu Bawi Cung Nung cu a hmai ah a sawh ve nain a hma fak tuk lo.

“Nanmah Asia mi ruangah coronavitus a chuak tiin a kan sawh hi si tiin Pu Bawi Cung Nung nih a chim,” tiah Salai Cung Khenglawt nih a tial.

Pu Bawi Cung Nung cu Thantlang peng, Thau khua ah a rak chuak. 2014 ah US ram an phan.

China ram in aa thokmi coronavirus zawtnak ruangah US ah Asia mi huatnak a karh tuk lio asi. US um Chinmi kan umkalnak ah fimkhur tein um usih.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi