15.1 C
Hakha
Wednesday, September 30, 2020

US Chin nu Sui Len Par nih ABE Lincoln Award le Scholarship a hmuh

- Advertisement -

U.S.A. — Sui Len Par, Indianapolis khuapi um Perry Meridian High School ah Tang 12 a kai liomi nih Abe Lincoln Award le Scholarship a hmuh. Kum 4 chung a college kainak an bawmh lai.

Abe Lincoln Awards peknak puai cu Ivy Tech Culinary and Conference Center ah February 7 ah an tuah. 4nak laksawng cotu tiin a min an aumi a theih cu Sui Len Par biangkil ah lunglawmhnak mitthli a luang.

A min an au theih in lunglawmhnak mitthli aa hnawh lio

Kiwanis Club of Indianapolis nih high school seniors area 18 chungin a thiam bikmi 4 a thim hna i Abe Lincoln Award le scholarships $41,000 a pek hna. Scholarships $41,000 cu aa zat cio in an phawt hna lai. Harsatnak tampi tuar buin ca a teimi pawl a thimmi hna an si.

Sui Len Par hi Pu Biak Uk (Tikir khua) le Pi Mang Len Ṭial (Salen khua) i an fanu upa bik asi. Indianapolis ah khuasami an si. Perry Township District sianginn 18 ah sianginn a kaimi Chin ngakchia 4,500 hrawng an si i Perry High School i a kaimi hi 400 hrawng an si.

Sui Len Par hi Chin Evangelical Baptist Church (ECBC) zong nih arfi bang an i zohthla vemi asi. Khrihfabu herhnak kip ah aa pumpemi asi. Nu asi nain mi ṭhithruai a thiam taktak.

Mifim le teima mi nih an fim man le teimak man an ei cawk lo bantukin cathiam le Khrihfabu le zatlang (community) ca i aa pe pengmi zong nih scholarship ceilak an hmuh ko.

Rev. Dr. Thlaawr Bawihrin nawl i cawn ahcun, a fim lomi nakin a fimmi an teeima deuh. A fimmi mino/siangngakchia poh nih hngal ko uh.

Kan in lawmhpi.

Charhchan: Indy Star le The Chin Voice [Vanceuuk Khenglawt]

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...