26.2 C
Hakha
Monday, June 1, 2020

US ah Covid-19 in minung 10,000 leng an thi cang

- Advertisement -

Mah ca ka ṭial lio tiangah, US ram ah coronavirus zawtnak in minung 10,900 leng an thi cang. Zawtnak ngei hmuhmi dihlak 368,400 leng an si cang. Suimilaam tlawmpal hnu ahcun a thimi 11,000 an phan kho.

Chinmi 20,000 leng kan umnak Indiana state zongah;

  • zawtnak ngei minung 4,900 leng an si cang,
  • mah chungah 143 an thi cang.
  • Chinmi kan umnak Marion County lawngah minung 37 an thi cang.

Chimi tampi kan umnak Texas state zongah;

  • minung 8,100 leng an zaw i
  • mah chungah 153 an thi cang.
  • Harris County lawngah minung 22 an thi cang, Dallas County ah 18 an thi ve cang.

US ahcun New York state ah a zawmi le thimi an tambik;

  • Minung 130,000 leng an zaw cang i
  • mah chungah 4,700 leng an thi cang, tiah New York State Health Department nih a langhter.

US cu vawlei cungah coronavirus zawtnak ngei an tambik nak ram a sinak zarh 1 hrawng asi cang. Tu zarh dongh ahcun a thimi tambiknak ram zong asi kho men.

Zawtnak karh hlah seh tiin state 42 cozah nih, “inn chungah um dih uh. Rawl le sii cawk ruah le sibawi sin i piah ruah lawngah lengchuak uh,” tiin nawl an chuah cang. A tangmi state 8;

  1. Arkansas,
  2. Iowa,
  3. Nebraska,
  4. Oklahoma,
  5. North Dakota,
  6. South Dakota,
  7. Utah le
  8. Wyoming cozah nih cun “inn chungah um uh (stay-at-home)” tiin nawl an chuah rih lo.

Iowa state ahhin Chinmi kan tam ngai ve. “Kan state ah zawtnak ngei minung 946 an um cang, mah chungah 25 an thi cang,” tiah Gov. Kim Reynolds nih April 6 ah a thanh.

Atutiang cu Italy ram ah a thimi an tambik i 16,500 leng an thi cang. A changtu Spain asi i 13,300 leng an thi cang. 3nak ah US asi.

Florida le Louisiana state ahcun pumhnak a tuahmi pastor 2 zong an tlaih cang hna – mah hi hmet law rel khawh asi.

April 6 tiangah vawlei pumpi ah Covid-19 in a zawmi, thimi le dammi zat cu mah hi hmet law zoh khawh asi.

Charhchan: Johns Hopkins University, New York Times, Reuters, NBC News, Health Departments of Texas, New York and Iowa

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...