14.6 C
Hakha
Monday, June 1, 2020

US ah coronavirus zawtnak ngeimi minung 100,000 leng an si cang

- Advertisement -

US ah coronavirus zawtnak ngeimi minung 104,837 an si cang, tiah Johns Hopkins University nih a ti. A thimi 1,711 an si cang.

US cu vawlei cungah coronavirus zawtnak ngeimi an tambiknak ram a si cang.

Chinmi tambik kan umnak Indiana state zongah minung 24 an thi i 981 an zaw cang, tiah State Ngandamnak Zung nih a langhter.

Chinmi tampi kan um ve nak Texas state zongah minung 23 an thi i 1,731 an zaw cang, tiah State Ngandamnak Zung nih a langhter ve.

Mah lio cun, Italy ram ahcun suimilaam 24 chungah minung 919 an thi. Ni khat chungah vawlei cungah a thimi tambik an si.

Atu cun Italy ram ah a thimi dihlak 9,134 an si cang. A thimi an tambiknak ram asi. A zawmi 86,498 an si.

Spain ram zongah ni khat minung 769 an thi ve i a thimi dihlak 4,858 an si cang. A zawmi 72,248 an si cang.

US President Donald Trump nih, “ni 100 chungah thaw peknak seh 100,000 kan ser lai,” tiah tuni ah a chim.

“Thaw peknak seh tampi kan ser lai,” ati. US caah a herhmi ser pinah ramdang zong bawmh hna dingin a chim.

Coronavirus (Covid-19) zawtnak nih vawlei cungah minung 28,687 a thah cang hna. 614,884 a zawt ter cang hna. Minung 135,671 cu an dam cang.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...