17 C
Hakha
Sunday, August 9, 2020

US ah coronavirus in minung 9,000 leng an thi cang, a zawmi 324,000 leng

- Advertisement -

US ram ah coronavirus zawtnak in minung 9,180 an thi cang. Zawtnak ngei hmuhmi dihlak 324,052 an si cang. Zawtnak ngei an tambiknak ram asi.

Chinmi 20,000 leng kan umnak Indiana state ah minung 22,652 an check cang hna i zawtnak ngeimi 4,411 an si, mah chungah 127 an thi cang.

Chinmi tampi kan umnak Texas state zongah minung 70,938 an check cang hna i zawtnak ngeimi 6,812 an si, mah chungah 127 an thi cang.

US ram ahcun New York state ah a zawmi le thimi an tambik. Minung 122,031 an zaw, mah chungah 4,159 an thi cang.

A changtu ah New Jersey sate asi i minung 37,505 an zaw, mah chungah 917 an thi cang.

Canada ram ah 14,426 an zaw cang i mah chungah minung 258 an thi ve cang.

Australia ram ah minung 5,687 an zaw cang i mah chungah minung 34 an thi cang.

Myanmar ram ah minung 21 an zaw i mah chungah 1 a thi cang.

Vawlei cung ram 204 lengah minung 1,249,107 an zaw cang i mah chungah 67,999 an thi cang.

Italy ram ah a thimi an tambik. A zawmi minung 128,948 chungah 15,887 an thi cang. A changtu ah Spain ram asi i a zawmi 130,759 chungah 12,418 an thi cang.

Mizaw an tamtuk caah sibawi le nurse lawng si loin sizung rianṭuan dihlak an i manh lo tuk hna i ram tampi i sizung tampi cu a dammi cazin laknak caan an ngei ti lo. Mah ruangah a dammi cazin cu tampi aa luai i langhter awk a ṭha lo.

US, Canada, Australia, Malaysia le ramkip um Chinmi vialte asi khawh chungin lengchuah lo i zuam cio hna usih.

Charhchan:

  • Johns Hopkins University
  • Indiana Health Department
  • Texas Health Department
  • New Jersey Health Department
  • Government of Canada’s Public Health
  • Australia Government Department of Health
  • Myanmar Ministry of Health and Sports
  • Malaysia Ministry of Health
- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...