16.7 C
Hakha
Tuesday, July 14, 2020

US ah Chin mifir 3 palek nih an tlaih hna

- Advertisement -

Indianapolis, US — Chin mino 3 cu palek nih fir case in an tlaih hna i Johnson County Thong ah an thlak hna, tiah Chin Community of Indiana (CCI) nih nizaan ah a thanh.

CCI: September 13 zingka 5:00am hrawng ah Chin mino pialsual (3) cu fir case in tlaih an si. Chin mino 3 an si. Highschool kai lio an si. Tuhi Johnson County Jail ah an chiah ko hna.

Nizan tihni ah Mipi le IMPD police hna i tonnak kan ngeih mi cu thil tha tuk a si. Mipi 400 hrawng nih meeting ah kan chuah tik ah zei tluk in dah mipi kan lungre a thei ti kha an theih.

Police hna nih mi thalo hna cu an keneh dongcat lo in an dawi cang hna. A dang zong pehzulh duahmah in an tlaih khawh hna ding an i zuam rih ko hna lai. 

Kum tlinglo an si nain, Robbery case cu a dintuai lomi asi. 

Zei dah kan tuah a herh?

(1). Mi tha lo nih tek tbtk um tik ah police call cawlh ding, mirang holh harnak um le CCAC/ CCI call ding si lai.

(2). Na fa/ na nau mi thalo bu ah a um ti na theih ah cun thup hlah. Chim phuang law an caah an nun a him deuh lai. Cu lo ah cun, mi tha lo kut ah an i hliam te lai, si lo le mitha kut le police kut ah an hliam te ding hna si tik ah nan i chir tuk sual lai.

(3) Ral tha tein mi thalo kan doh hna lai. Dawtnak he kan fale pialsual mi kan lem
Hna lai. 

Pialsual pakhat khamh than ding ah indy Chin mipi 20000 leng kan dir tti a herh. Thazaang kan chuah a herh. Zisuh nih a chim mi tukhal nih cu Tu 100 ah 99 cu a kaltak i atlaumi tu (1) kha a kawl. Dawtnak in rian kan tuan lai, kan fanau le pialsual hna zeizat dah an um, ho hna dah an si timi kan fianh khawh dih hna lai i kan khamh hna lai. Police nih an tuah thlu cawk ve lo. An shift chung te lawng an rian a si ve caah zei ti tha ve lo…

Khrihfabu han ca zong ah kan liang ah a tlami Mission rian a si. Miphun hna dihlak nih dothlennak kan tuah ding caan a si.

Siaherhnak he,
Peter Biak (Chairman, CCAC)

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...