12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    UNHCR Thawngthanh: Hohmanh UNHCR Zung ah Ra Hlah Uh

    Ṭial Tharmi

    - Advertisement -

    Malaysia ah coronavirus (COVID-19) zawtnak a um ruangah hohmanh UNHCR zungah ra lo dingin le mibu lakah um lo dingin UNHCR nih tunai bakah ralzaam community vialte thawngthanhnak ca a kuat hna.

    Pumh (mibu lak um) zong kan hrial ah ṭha. Malaysia RC khrihfabu cu rampumpi ah pumh an ngol chung cang. Malaysia Chin khrihfabu hruaitu hna zong nih khua kan ruahpiak ve ulaw ṭha. South Korea zong biakinn an i pumhnak ah minung thong tampi coronavirus zawtnak an i chawn dih, an khrihfabu hruaitu nih khuk bil in mipi a nawl hna nain zei santlai lo.

    Dear Community Hruaitu Hna,

    Malaysia ah COVID-19 zawtnak a karhnak hnga lo minung tampi but ter hna hlah uh tiin Malaysia Ngandamnak Vuanci Zung nih ruahnak a kan cheuhmi zul in, UNHCR nih ralrin i vennak kan tuah tiah thawng kan in thanh hna.

    UNHCR nih March le April ah ra dingin appointment pekmi vialte kha tuni 13 March 2020 (Ningani) ah, kan thawn/leet dih cang.

    UNHCR nih thawng kan in thanh ṭhan hna hlan lo, ralzaam le ralzaam soktu ahohmanh zung ah ra hlah uh.

    March le April ah appointment pekmi vialte cu ra lo dingin UNHCR nih SMS kan kuat cuahmah hna. Appointment pekmi pawl cu atanglei bangin SMS kan kuat hna.

    “Zaangfah tein thawngthanh ṭhan hlan tiang UNHCR Zung ah ra hlah uh, ngandam ralrinnak caah asi. Thawngpang thar theih na duh cun, www.refugee-malaysia.org hi check.”

    Sinain, UNHCR bawmh halnak number 2 cu voi dang bantukin chawnh khawh peng asi ko.

    1. Tlaih le Thongthlak tongmi caah chawnhnak: 012-6305060 (Nikhatni – Zarhpini: 8:00 a.m. – 10:00 p.m.)
    2. Ngandamnak kong chawnhnak: 03-21184879 (Nikhatni – Ningani: 8:00 a.m. – 4:00 p.m.)

    Thawngpang thar kan in thanh peng hna lai. Hal nan duhmi um ai kun, lungawṭawm lo tein email kan kua ko.

    Mah kong na kan theihthiam caah kan i lawm.

    Dawtnak he,
    UNHCR [Malaysia]

    Card le catlap tat-ṭan-ṭu zong ngah rih lo. UNHCR sin in thawngpang thar hngak rih ko hna usih.

    Thil sining a ṭhat deuh cangka in UNHCR zung kan on ṭhan colh ko lai, ati.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.