UNHCR Malaysia kong theihtlei

2019 April thla dongh tiangah, UNHCR Malaysia cazin ah ralzaam le ralzaam soktu (refugee and asylum-seeker) 170,460 kan um.

147,590 cu Myanmar ram in a rami lawngte kan si. Mah chungah;

  • 90,200 cu Rohingya an si
  • 24,720 cu Chinmi kan si
  • Myanmar Muslim 9,750
  • Rakhine (Arakanese) 4,000 le adang cu Kachin, Mon, tbk., pawl an si hna.

Acunglei ah fiang tein kan hmuh bang, Malaysia ah ralzaam tambik cu Myanmar rammi kan si. Miphun in cun Rohingya an tambik i Chinmi hi 2nk kan si.

Ramdang in a rami ralzaam le ralzaam-soktu 22,870 an si. Mah hna cu;

  • Pakistan rammi 6,150
  • Yemen rammi 3,350
  • Somali 3,090
  • Syria 3,065
  • Afghanistan 1,970
  • Sri Lanka 1,720
  • Iraq 1,450
  • Palestine (Israel he a buai pengmi) 780 le ramdang pawl an si hna.

170,460 chungah 115,913 (68%) cu pa lawngte an si i a taangmi 54,547 (32%) cu nu an si.

170,460 chungah 43,710 cu kum 18 tang ngakchia lawngte an si.

UNHCR Malaysia dirhnak

America (US) nih Vietnam a rak tuk ruangah Veitnam rammi tampi cu nunnak kawl in an rak zaam i tam taktak tilawng in Malaysia an phan, harsa taktak le hmailei kong lungdong taktak in an rak um.

Mah ruangah, kum 1975 ah UN nih Malaysia ah Vietnam ralzaam bawmh dingin UNHCR zung a rak on.

1975 in 1996 tiang, kum 21 chung UNHCR nih Vietnam rammi pawl cu Malaysia ah a zohkhenh pah hna i Vietnam rammi 240,000 leng US, Canada, Australia, France, New Zealand, Sweden, Finland, Denmark, Norway le ram dangdang ah ralzaam in a kuat hna.

Mah chung tthiam ahcun, Vietnam rammi 9,000 leng cu UNHCR bawmhnak in an ram ah an kir.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.