12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    UNHCR le IOM nih Ralzaam caah Ramthumnak Kal an Phih Chung

    Ṭial Tharmi

    - Advertisement -

    UNHCR le IOM nih “ralzaam caah ramthumnak kal kan phih chung,” tiah thawng an thanh.

    “Coronavirus zawtnak ruangah ram tampi nih an ram luh le ramdang khualtlawn fakpi in an zorter caah ralzaam pawl ramthumnak kalnak tuahpiak a har tuk. State cheukhat nih cun ralzaam cohlan an phih chung caah ralzaam thar an cohlang kho lo.

    “Mah ruangah ralzaam chungkhar hna cu ramthumnak an kal tikah harnak an tong. Cheukhat cu airport ah saupi an i tap, cheukhat cu chungkhar minung he an i ṭhen.

    “Mah pinah, ralzaam pawl hi ramdang kan kalter hna ahcun coronavirus zawtnak an i ku sual lai ti zong UNHCR le IOM kan thinphang.

    “Cucaah, UNHCR le IOM nih ralzaam pawl caah ramthumnak kal kan phih chung. Hihi lawlawse phih chungmi asi i a herh tiang lawng phih asi lai.

    “Ralzaam tampi caah cun ramthumnak kal hi thihnak/nunnak asi caah, a him lo tukmi ralzaam pawl cu asi khawh chungin an kal khawhnak hnga UNHCR le IOM nih state pawl kan nawl hna lio asi.

    “Ramthumnak kal dingin timhpiak dih cangmi ralzaam pawl hi an phaknak ding ram kan phakter hmasa hna lai caah, ramthumnak kal kan phih chungmi cu tu hnu ni tlawmpal in aa thok lai. [Atutiang cu a thok (pit) rih lo]

    “Nawlngeitu nih khualtlawn an onh cangka in UNHCR le IOM nih ralzaam pawl ramthumnak kalter cu a ningin kan pehzulh colh ko lai.”

    UNHCR le IOM [Geneva]

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.