15.8 C
Hakha
Wednesday, August 12, 2020

UK PM Boris Johnson covid-19 in a zaw i oxygen an rawnh

- Advertisement -

UK ram hruaitu Prime Minister Pu Boris Johnson cu coronavirus zawtnak a ngeih caah zahan zaan kha i test ṭhan dingin sizung ah a kal i oxygen an rawnh, tiah UK hrambunh media pawl nih an ṭial cio.

PM Pu Boris Johnson, kum 55 cu liamcia ni 10 ahkhan coronavirus zawtnak a ngei. I test ṭhan dingin zahan zaan ah London Hospital ah a kal i a riak.

The Times thawngzamhca nih, “mawtaw in sizung a phak hnu ah oxygen an rawnh,” tiah a thanh ve.

PM Office nih, “emergency in sizung ah a kalmi si lo, a sibawi nih i piah ṭhan te ati caah piah dingin timhcia mi asi,” tiah cathluan a chuah.

“Coronavirus zawtnak letkhana a ngeih peng caah ralrin ah aa piah ṭhanmi asi,” ati.

A rian bawmtu pawl nih, “Pu Boris Johnson cu liamcia ni tlawmpal ahkhan video meeting a ngei. Meeting lio ah a khuh peng i a khak cha peng,” tiah an chim.

Tam deuh cu zarh 1 hnu cun coronavirus zawtnak letkhana (khuh, taklinh, tbk..,) an ngei ti lo, a taklin pengmi cu an cuap a phing kho, tiah sibawi pawl nih an chim.

PM a damlo caah tuni Covid-19 video meeting cu Ramdang Vuanci Dominic Raab nih a hruai hna lai, nain atutiang cu PM Pu Boris Johnson nih cozah a hruai ko rih.

A zawt zual ahcun, PM nih a duhmi vuanci paoh a rian a tlaihter chung khawh hna. Tangka Vuanci (Chancellor) Rishi Sunak le Michael Gove hi amah changtu an si.

Atutiang ahcun UK Prime Minister Pu Boris Johnson lawng hi ram hruaitu lakah coronavirus zawtnak a ngeimi si.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...