17 C
Hakha
Sunday, August 9, 2020

Tuluk ramri in a rak tlungmi mizaw nu pakhat cu an khuami nih an cohlang duh lo

- Advertisement -

Tuluk-Myanmar ramri in Labutta khua ah a rak kirmi mizaw nu pakhat cu khuami nih an cohlan lo caah Labutta 3 mile township hospital ah a dang tein an chiah i sibawi te nih an thlop lio a si.

Ayeyarwady ramtthen, Labutta peng i Peinnegwin khuate ah a ummi kum 39 nu cu Kachin state, Momouk peng ah rian a va ttuan i a dam lo caah January 21 ahkhan sizung ah aa piah.

February 2 ah an khua Peinnegwin ah a rak tlung.

An khua a phak hnu ah a zaw tthan i Labutta khua ah aa va piah. An khua ah a rak kir tthan i khuami nih coronavirus a ngei tiin an ruah caah khua chung luh an sianh lo.

Cu caah, Labutta peng uktu, palek le mibawmtu nih mizaw nu cu February 5 ahkhan Labutta 3 mile township hospital ah an va chiah.

“Minu hi Tuluk ramri in a rak tlungmi a si pinah a dam fawn lo tikah khuami nih an ttih i an cohlan lio hi a si lai. Cu ruangah, sizung zognah khan dang te ah kan chiah i ttha tein kan zohkhenh lio a si” tiah Labutta 3 mile township hospital sibawi pa nih a chim.

Mizaw nu cu sibawi te nih an check nain a zawtnak fiang in an thei lo. TB hna si kho men an ti. Nain, a khualtlawnnak ruangah a tha dih lio a si pinah naihrawng cu coronavirus a um lio a si tikah sibawi tein nih a hnar, a dang an check i, an checknak cu Vawlei Cung Ngandamnak Bu (WHO) sinah an kuat ti a si.

“Keimah ruahnak ahcun coronavirus cu si theng lai lo. A ruang cu Kachin state i sizung a kal ni in kan rel ahcun atu cu ni 16 chung si cang caah coronavirus a ngeih ahcun atu hi a zual tuk cang ding a si.”

“Kachin state in an khua tiang amah lawng in a rak tlung kho fawn. A cuap kan check tikah a ttha ko,” tiah sibawi pa nih a chimchap.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...