Tlangval ka ngeih ahcun Yangon ah a um dingmi ramdang pa si lai tiah Myanmar actress Thin Zar Wint Kyaw nih a chim.

“Nai ah kan i piatmi ka tlangvalpa kha Yangon ah na um kho lai maw ka ti i, ka um kho lai lo a rak ka ti. A um kalnak paoh zulh cu keimah caah a si kho ve lo.

Kei nih le atu ka rian lawng hi ka thiammi si ve tik ah Kawlram chung hrimhrim ah um ka hau fawn. Amah sin ka va um zongah kei ka caah suallam ngei lomi bantuk si lai cumu.

Mipi nih mirang pa he kan i duh an theih hlan ahkhan ka tlangvalpa nih a kut langmi hmanthlak tar a ka fial. An thei rua lai lo tiin kan ruah nain, a hnu ah mipi nih an theih tthiam ko.

A hnu cun, amah nih mipi theih lawlaw in um u sih a ka ti. Keimah zong nih a kan theih dih cang ko cuta tiin kan hmanthlak pawl cu online ah ka tar ve hna.

Nain, kan i piat hnu ah kaa ngaichih lo. Thil thar tu tampi kaa chap. A tlamtlin lo ahcun i piat ding a si ko.

Amah he kan i theih i thla 6 a si. Kan i duh taktak hi cu thla 3 lawng a si. Hi thla 3 chung ahhin kutkhiah khawh zat, voi 4-5 lawng kan i tong. Cu ruangah, kan i duhnak khi a thuk tuk rih lo.

Ramdang pa le Kawl pa an i dannak te a um. Kawl pa pawl cu ka khatkhat kal le pa khatkhat zoh zongah khoika na kal e, zei na zoh ee tibantuk hal le buai an hmang tuk.

Nain, ramdang pa cu an duhmi kha an zoh, kan duhmi kha kan zoh ve ko. Zeihmanh buainak an kawl lo. Tlangval ka ngeih zongah hika ah um a duhmi ramdang pa ka ngei lai,” tiah Thin Zar Wint Kyaw nih a chim.