29.1 C
Hakha
Tuesday, March 31, 2020
More

    Tikir khua ah a rak i tthialmi Paletwa peng Chin ralzaam hna hmurka

    Ṭial Tharmi

    - Advertisement -

    Chin ram kulh, Paletwa peng ah Kawl ralkap le Rakhine ralkap AA i kahnak ruangah inn le lo a zaam takmi Chinmi 130 cu 2019 November 15 ahkhan an umnak Meeza ralzaam buk in Tikir khua ah tthial an rak si.

    “Tikir khua ahcun ral a um lo tikah a nuam ngai ko. Nain, kanmah lei umnak hmun he aa khah lo tikah ti le mei kong ah kan harsa ngai. Zei hmanh ttih ding a um lo caah a nuam ngai” tiah Paletwa peng in Tikir khua ah a rak i tthialmi Con Sang nih a chim.

    Paletwa peng in Tikir khua ah a rak i tthialmi Chin ralzaam pawl umnak caah Nah-tah-lah nih inn 23 a sakpiak hna. Cun, a rak i tthial chap dingmi hna caah Daw Khin Kyi Foundation nih inn 50 a sakpiak hna i Chin Miphun Ni February 20 ah onnak an tuah lai.

    Ramchung ramleng um Chinmi, cozah zung, Chin state cozah le mipi pawl bawmhnak in an dingei.

    “Kanmah duhnak ahcun caan saupi khuasak khawhnak caah sattil zuatnak nawl kan pe hna seh ti kan duh. Cun, tawlreba hna cin kho usih law tha tuk hnga. Mah lo ahcun kan paw kan i cawm kho lai lo.”

    “Kanmah lei ahcun kum fatin lo kan vat. Hika lei ahcun kum fatin lo vah awk zong a um lai ka zum lo” tiah Con Sang nih a chimchap.

    “Tikir khua cu a kikmi a si tikah anmah umnak hmun he aa khat lo. Hmailei an pawcawmkennak ding caah khua kan khang i Tikir khuami le anmah i bawm in cinthlaknak tuah kan tim” tiah Tikir khua bawi Lian Thang nih a chim.

    “Kum 98 ka si. Tikir khua ah kaa tthialnak sau rih lo. A kankip in a kan bamwh i hika ah tlamtling tein khua kan sa. Inn zong a kan sakpiak,” tiah Paletwa lei in a rak i tthial vemi Pu Ton Erth nih a chim. – Chin World

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.