Tial Thang Cu CNF Nih Lawmhpinak Roca A Pek

Tial Thang Cu CNF Nih Lawmhpinak Roca A Pek

MMA fighter Lai pa Tial Thang@ Tial Cung Thang cu Chin National Front (CNF) nih lawmhpinak roca a pek.

“MMA fighter Chinpa Tial Cung Thang (The Dragon Leg) cu Myanmar ram aiawh in One Championship i Reign of Valor ah Catch Weight (68.0kg) ah aa tthua i teinak a hmuh caah Chin ram le Myanmar ram min a thatter.”

“Tial Cung Thang cu MMA ah Chin Miphun chungin aa thua hmasabik i teinak a hmutu a si. Pehzulh in ram min a that tertu a si lai tiah kan zumh.

“Ram min a that tertu Tial Cung Thang i aa zuamnak le teinak a hmuhmi cu Chin Ralkap nih kan theihpi i lawmhpi can ah hi roca hi kan pek,” tiah CNF nih roca an pek.

Tial Cung Thang cu March 8, 2019 zaan ah Cambodia pa Rin Saroth he an i tthua i Tial Cung Thang nih a tei.

Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.