19.5 C
Hakha
Monday, November 29, 2021

Tial Cung Thang semnak Lairam ah an puak

ONE Championship MMA tthuatnak ah Cambodia pa a teitu Tial Cung Thang cu tu zingka 11am ah a chuahkehnak Hakha khua a phan.

Hakha khuami a zaza nih khualu i Khuacuanhnak (Viewpoint) tiang sunglawi taktak in an don.

Hmanthlak: Hakha Information and Public Relations

Chin nunphung ningin, nu pawl nih meng 4 hrawng a hlatnak Hakha Khuathar sang i api inn tiang a changchang in an puak.

Hmanthlak: Khonumthung

Tial Cung Thang cu March 8 zaan ah Yangon um Thuwunna Innchung Celhtual ah Cambodia pa Rin Saroth he an i phomh. Caan a dih hnu ah biakhiaktu 3 nih an dihlak lungtling tein “Tial Thang nih a tei” tiah bia an khiah.

Hmanthlak: Hakha Information and Public Relations

MMA ah Limkeng Ke [Dragon Leg] ti zongin an auhmi Tial Thang @Tial Cung Thang cu US ram New York state ah a thaisung Jennifer Kipte le an fapa 2 he an um.

Atu lio ONE Championship World Champion 2 bak a simi Aung La Nsang he Florida state um Hard Knocks 365 ah MMA tthuat an cawng tti.

Hmanthlak: Khonumthung

Tial Thang cu US ram ah tuahmi Lai Paih zongah champion voi 4 a ngahmi le company dang nih tuahmi MMA tthuatnak zongah teinak a rak hmu bal cangmi a si.

Chinmi chungin MMA aa tthua hmasa bik le teinak a hmu hmasa bikmi, tuanbia thar ttialtu a si.

Malaysia
2,623,816
Mizaw Hmuhmi
Updated on November 29, 2021 2:30 pm
Malaysia
2,527,052
A Dammi
Updated on November 29, 2021 2:30 pm
Malaysia
30,309
A Thimi
Updated on November 29, 2021 2:30 pm
Malaysia
66,455
Zaw Liomi
Updated on November 29, 2021 2:30 pm

Ṭial Tharmi