Myanmar actress Thinzar Wint Kyaw nih a tlangval Mirang pa he an i duhmi kongah “a ka daw i tha a ka pemi nih cun an ka theihthiam ko lai,” tiah MC ah a chim.

Thinzar Wint Kyaw: Atu hi Mirang pa he kan i duh. A ka daw tak i thazaang a ka pemi nih cun an ka theihthiam ko lai. A ruang cu nungak ka si ve. Ni khat khat ah va ngei ding ka si.

Nain, ka va ca ahcun miphun dang a si ah, miphun khat a si ah keimah cung ah a zungzal in a tha i zumh a tlakmi pa kha ka thim lai.

Biapibik cu taksa nak asi ah, taksa rang asi ah a ka theithiam zungzal i ka daw taktak kho dingmi pa kha ka duhmi cu a si ko.

Atu ka tlangval hi a tak rangmi a si ruangah kaa thimmi a si lo. Atu ka tlangval nih hin voi 2 a rak ka ton i kaa ttuai chun. A lung ka tling ve. Cun, ka duh phun ziazia a tlinh dih caah ka cohlan hi a si.

Ka tlangval cu a kum upa ngai cang. Nain, a ka theihthiam tuk. Ka rian zong a ka theihthiam. Kan zuamphun zong aa khat. A khuaruahnak, a cawlcang ning ka hmun khin ka thazaang tlung tuk. A ka hlimhhlau ter tuk.

Naite ahkhan kal a duh zungzalnak Maldives ah ka duhmi ka tlangval he kan kal tti kho i kaa lunghmuih tuk.