The Voice Myanmar Season 2 Grand Final zuamnak cu tuzaan ah an tuah i Novem Htoo nih a ngah.

The Voice Myanmar Season 2 winner laksawng cu kyat ting 200, Ford motor 1 le Universal music in album 1 chuahpiak ding a si.

Tuzaan ahhin Team KP in Novem Htoo, Team NiNi in Hazel, Team RZN in Paul Austin le Team YC in Melody Khong an i zuam hna.

Novem Htoo cu The Voice Myanmar Season 2 a hramthok aa zuamka ah Kawlrammi nih theihtuk lomi hard rock/metal music in aa zuam i coach pawl nih an uar ngai. Nain, a soiseltu mipi zong an um len.

An nih hi The Voice Myanmar ah aa zuam hlan piin music lei a cawngmi le hla aa chuah bal cangmi a si. Minthang cia a si.

Novem Htoo nih The Voice Myanmar winner a si hlan in khan album chuah awk caah hla fung 9 hrawng timhlamh lio a si. Winner ka si ahcun rang deuh in ka chuah khawh lai. Show zong tuah ka duh tiah a chim bal.