15.8 C
Hakha
Wednesday, August 12, 2020

The Rock fanu Simone cu WWE ah wrestling aa celh ve cang lai

- Advertisement -

Dwayne Johnson (The Rock) fanu Simone Johnson (kum 18) cu a pa, a pu le pu chin keneh zulh dingin WWE ah wrestling i celh dingin cawnnak a thok cang.

“Wresting celh hi ka caah a sunglawi tukmi a si” tiah Simone nih a chim.

“Ka chungkhar nih wrestling celh an zuam tukmi hi ka caah a sunglawi tuk, kei zong i celh ding le ka chungkhar kehneh zulhnak caanttha ka hmuhmi hi kaa lawm tuk” tiah Simone nih a chim.

Simone cu Florida state i Orlando khua ah a ummi WWE Performance Center ah wrestling tintan kai a thok cang.

“Simone Johnson cu wrestling celh a duh tuk caah WWE Performance Centre i a thiambikmi cawnnak ah hmunhma kan pek” tiah Paul “Triple H” Levesque, executive vice president nih a chim.

Simone nih wrestling celh aa timh kong thawng a thanh cangka in a pa The Rock nih a Instagram account ah “Lungthlitum cu a tuah taktakmi ca lawngah a tling. Kan zohthla tuk. Na lungthlitum tling hram seh” tiah a ttial.

Simone a pu Rocky Johnson cu kum 75 a si lio tu kum thok ka ahkhan a thi. WWE champion a rak ngah balmi a si.

Simone nih cun biatak tein kaa zuam a hau tiin a ruah man lai, nain a nulepa nih cun a thinlung retheihter an duh lo. – BBC

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...