“Thailand palek nih kan hnu zarh i Bangkok khuapi ah bomb puahmi kong hee aa pehtlaimi minung 10 leng tlaih dingin an kawl hna,” tiah Prime Minister Prayuth Chan-ocha nih nizaan ah a chim.

Kan hnu zarh Ningani ahkhan ASEAN ram chung Ramdang Vuanci pawl le US, China le Russia tibantuk ramtthawng ramdang Vuanci pawl Humhimnak kong meeting an tuahnak Thailand khuakpi ah bomb 6 a puak. Minung 4 an i hliam.

Ningani tthiam2 ah shopping mall le khualtlawng an tamnak hmun ah a dang bomb 6 a puak. Nirukni zong ah, Pattani provine thlanglei i ATM seh 3 ah bomb 3 a puak. Nai, aho hmanh an i hliam lo.

“Bomb puah konghe aa pehtlaimi hi minung 10 leng an si. Kan tlaih hna lai i taza kan cuai hna lai. Zei ruang ahdah bomb an puah ti zong kan kherhlai liopi a si.”

“Atu ahhin bomb puahtu hi mi zeidah an si ti cu kan thei lo nain, lungthin ngeilo le ram chung ah buainak a sertu an si,” tiah Prime Minister Prayuth Chan-ocha nih nizaan ah a chim.

Kan hnu zarh Nilini i Thailand Police Headquarters leng ah bomb deu a bunhtu tiah lunghrinhmi pa 2 cu Ningani ahkhan an tlaih cang hna.

“Pa 2 cu Malaysia ramri i Muslim pawl khua an saknak hmun in a rami an si. Mahka hmun ahcun kum 15 chung Muslim pawl tapung an tho cang. Nain, anmah 2 hi tapung he pehtlaihnak an ngeih/lo kan chim kho rih lo,” tiah Thailand palek bawi Jakthip Chaijinda nih a chim.

Atu tiangah Bangkok chung hmun tampi ah bomb a puahtu hi mi zei an si ti hngalh a si rih lo. _ The Star

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.