Thailand cozah nih Phi Phi Leh tikulh ah a ummi Maya Bay cu ni kum in khan a khar cang i kum 2021 tiang a khar lai.

Maya Bay ahhin khualtlawng an tam tuk ruangah pawngkam thil an rawk tuk tiah Thailand cozah nih a ti i atu bantuk nih a khar chungnak hi a si.

Maya Bay cu an khar hlan ahhin nifatin khualtlawng minung 5,000 peng an kal. Cu ruagnah, ti chung um thilnung hna an thi len.

Pawngkam thilnung le ti chung saram hna an an i sertthan nak hnga Thailand cozah nih kum 2 khar chap dingin caan a sauh.

Maya Bay rili ahhin Hollywood actor Leonardo DiCaprio nih ‘The Beach’ timi video a rak i thlak i mah hnu in vawlei cung mipi nih an theihmi a si.

“Maya Bay cu kan hon than tik ah khualtlawng minung ri kan khiah cang lai. Cun, tilawng cit kan kham lai,” tiah Thailand cozah nih a ti.

Khuami cheukhat cu Maya Bay ibochan i a pawl aa cawmmi an tam tuk. _ BBC