Tedim Le Rih Kar Ah Motor Accident In Minung 4 An Thi

Tedim Le Rih Kar Ah Motor Accident In Minung 4 An Thi

Chin state: Tedim khua le Rih kar motor lam cungah accident a cang i phungki 1 telhin minung 4 an thi tiah theih a si.

Thil a can hi May 20 ah a si i miung 4 citmi PRADO motor cu horkuang chung ah a tla. Aa citmi dihlak an thi.

A thimi minung 4 hna cu Yangon khuapi in Chin state ah a ummi Rih tidil zoh ah a kalmi an si tiah theih a si.

Motor cu Tedim khua in meng 7 a hlatnak Lazang khua le Manipur tiva tannak hlei kar pe 600 hrawng a thuhnak horkuang ah a tla tiah a hmun phanmi Tedim mion hruaitu Shai Shiang nih a chim.

Motor accident a cannak hmun ah Tedim khua meithat rianttuan, Tedim mibawmtu bu le SYC, TYF, ZYA (lamzang) nih miruak an kawl i minung 3 ruak an hmuh cang. A dang pakhat ruak zong an lak lio a si.

“Miruak 3 cu Public Hospital ah kan kuat cang hna. A dang miruak pakhat cu kan phorh lio a si,” tiah Shai Shiang nih a chim. _ Khonumthung