Tang lam in a rami Chinmi 3 ruak cu Malaysia ah an vui cang lai

Tang lam in a rami Chinmi 3 ruak cu Malaysia ah an vui cang lai

Tang lam in a rami Chinmi 3 ruak cu thaizing May 23 ah Malaysia ram ah an vui cang hna lai.

Malaysia Chinmi tampi kan i vuinak Cheras thlanmual ah an vui hna lai.

Chin state, Paletwa peng i Sami khua in a rammi Maung Suh Mun (kum 20), Mg Maung Tan (kum 26) le Ko Khat Leih (kum 37) hna cu tang lam in Malaysia an rat lio ah an nunnak liam.

Tang lam in a rami Chinmi 14 a phortu mawttaw cu May 19 zingka 7am fai ah Penang le Kuala Lumpur kar ah lam tthennak tung aa pah i aa baoh dih.

Hlei tangah minung 4 an i hlonh i 3 an thi

Chinmi 4 cu hlei tangah an i hlonh i 3 an thi. 7 cu fak tukin an i khawn caah palek nih sizung 2 ah an kuat hna. A hma fak tuk lomi 4 cu palek nih an tlaih hna.

An motor mongtu pa cu Chinmi a si i a min ah Ah Hong a si. Ah Hong le a bawmtu pa cu an zaam i atutiang palek nih an tlai kho rih hna lo.

Chinmi 14 lakah nu 1 aa tel

Mawttaw ngeitu Malaysia pa le Ah Hong a rak bawm balmi Chin pa Law Kee Thang zong palek nih May 20 ah an tlaih hna i sakhan ah an hren hna lio a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.