15.1 C
Hakha
Wednesday, September 30, 2020

Sri Lanka bomb puah in a thimi 359 an phan cang

- Advertisement -

Sri Lanka: Thawh Than Ni ah muslim ralhrang nih biakinn le hotel bomb an puahnak in a thimi 359 an phan cang, tiah palek nih tuni ah an chim.

Sizung a phanmi tampi an thih caah a thimi an karhnak hi si. Sizung a phanmi 500 leng an si.

Bomb puahtu cu Sri Lanka um muslim ralhrang NTJ an si i ramdang muslim ralhrang he an i bawm, tiah Sri Lanka cozah nih a ti.

IS ralhrang nih “kanmah tuahmi si” tiah thawng an thanh.

“Ramdang ralhrang he an i bawm ti kan hngalh. IS nih kanmah kan si an timi hi a dik/lo kan hlat lio a si, anmah nih an bawmh men hna lai ti cu kan lunghrinh cia cang,” tiah Sri Lanka Prime Minister Ranil Eickremesinghe nih media sinah a chim.

Bomb puahtu he aa pehtlaimi an si lai ti zumhmi minung 60 deng palek nih an tlaih cang hna.

Liamcia kum 10 lio ah Tamil ral an thawh hnu in, tutan hi Sri Lanka buainak chiakha bik a si. — AFP

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...