Game of Thrones actress Sophie Turner nih “Las Vegas ah Joe Jonas he tthitum puai kan tuah hlan deuh te ahkhan kan i phiat cang,” tiah a hun phuan.

Sophie Turner le Joe Jonas cu tu thla thok ka ahkhan Nick Jonas, Kevin Jonas le Priyanka Chopra telhin chungkhar le hawikawm hmai ah tthitum puai an tuah.

Atu ah ruahlo piin Sophie Turner nih The Times interview ah “kan rak i phiat ka cu kan caah ni chiakhia bik a rak si. Second 1 chung hrawng cu zei thei lo veve in kan um. Nain, a thaizing cun ‘a poi lo’ tiin kan um veve tthan,” tiah a chim.

'Game of Thrones' Actress Sophie Turner Pasal Ngei Cang

Sophie le a va Joe Jonas cu tthitum puai an tuah hlan deuh ah Nick, Kevin le nupi, Priyanka te he 2019 Billboard Music Awards puai an zawh tti.

“Kan rak i piatmi kha kanmah biakhiahmi a si. Kan rak i piat lai hrawng kha thinlung damlo tukin ka rak um.”

“Nangmah le nangmah i daw hmasa aa ka ti. Nangmah le nangmah naa dawt hlan cu kan um pi kho lo a ka ti. Nangmah naa dawtmi nak in keimah na ka dawt deuhmi hi ka zoh kho lo a ka ti. Kha ti a rak ka timi kha a tha ngai. Ka nunnak a ka khamh ti khawh a si,” tiah Sophie nih a chim.

Zarhpini ahkhan Game of Thrones series finale a chuak i Joe Jonas nih Twitter ah Game of Thrones lemcang pawl a lawmhpi hnanak a hun ttial.

Sophie le Joe cu May thla thok ah tthitum puai an tuah cang i tu kum chungah France ram ah puai tuah tthan an tim. _ EOnline