22.3 C
Hakha
Wednesday, February 19, 2020
More

    Singapore ah Myanmar sinum nu coronavirus lunghrinh in sizung a phan

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Singapore ram ah sinum rian a ttuanmi Myanmar nu pakhat cu coronavirus a ngei kho men tiin an lunghrinh i Tan Tock Seng sizung ah an chiah tiah BBC Burmese nih a ttial.

    Sinum rian a ttuanmi Aye Myint Khine cu February 7 ahkhan a boss he dawr an kal i a khuh, a lungmit i a thawchuah har caah pawngkam sikhan ah aa piah. Sikhan ah aa piah hnu ah Tan Tock Seng sizung ah an kalpi.

    Aye Myint Khine cu sizung a umnak ni 3 si cang nain a result a fiang rih lo.

    Aye Myint Khine a boss nu hi a luancia thla ahkhan China ram ah a tlawng i a kir hnu, naite a luancia zarh ahkhan a zaw.

    “Ka boss nu nih a zawtnak a ka chawnh. Ka zaw i ni 3 hnu hrawngah ka boss nih sikhan ah kan piah lai a ka ti. Ka taklin peng. February 7 zaanlei ah ka boss nu he dawr kan kal i ka khuh tuk, ka thaw ka chuah kho lo i ka tlu. Pawngkam mipi nih a kan bawmh i Ambulance in sizung ah an ka kalpi” tiah Aye Myint Khine nih a chim.

    “Xray an ka thlakmi ah pakhat khat kan hmuh an ti i sizungah na riak lai an ti. Zei si cu an thei rih lo. Sizung riah ka duh lo ka ti hna nain an duh lo. Sizung um lo zongah inn ah um awk ttha lo an ti. Midang a chawnh sual hna lai ti an phang” tiah Aye Myint Khine nih a chim.

    Aye Myint Khine cu sibawi te nih atu le tu an check peng. February 8 zinglei ah a dam deuh nain zaanlei ah a taklinh tthan caah zaan ah sibawi te nih a thi an lak.

    Aye Myint Khine cu a boss nu he Singapore ram ah ni fatin dawr an kal i hmun tampi an phan.

    “Ka boss nu cu hmaihuh i khuh dingin ka chimh lengmang ko nain aa khuh bal lo pinah keimah zong a ka cawkpiak duh lo. Ka kut cu atu le tu kaa ttawl ko. Ka boss nu a zawt ka ah sikhan i piah dingin ka chimh ko nain a duh lo.”

    “February 8 ah ka boss nu nih phone a rak ka chawnh i zei na lawh tiah ka thawng a ka hal nain mah sikhan aa piah/lo ka hal manh lo” tiah Aye Myint Khine nih a chim.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.