Selena Gomez nih “Bill Murray he kan i um lai” tiah aa capo

American pop hlasa minthang Selena Gomez cu American actor Bill Murray he an i thlakmi zombie movie thar “The Dead Don’t Die [Mithi An Thi Lo]” timi onnak tuah dingin France ram, Cannes khuapi ah a kal.

Bill Murray, kum 68 zong a ra ve. Media tampi in thawngla tampi an chuak.

Kawzaw sen phahmi cungah an movie kong biachimnak le cawngianak cu an tuah. Selena Gomez cu aa nuam lawlaw, mirh zuai in a um ko.

Mah ni ah Bill Murray he panh takin an um lio thawngla pawl nih hman an thlakmi hna cu online ah an lar tuk caah, Selena Gomez nih “Bill Murray he kan i um lai” tiah aa capo phah.

Instagram ah Selena Gomez nih amah lawng hmanthlak a tar i “Cannes ah ka voi 1nk phanh asi! [Tuanbia ttialtu] Jim le lemcang a ttuanmi vialte he mah movie ah kai rak tel khawh ve caah kaa lawm tuk hringhran. Biadangah, Bill Murray he kan i um lai,” tiah a ttial.

Aa capo mi cu Lai website cheukhat nih a taktak ah an ruah i “Selena Gomez cu tarpa Bill Murray he an i um cang lai…” tiah an ttial len.

“Wolves” hlasa kum 26 ngaknu cu Canada awttha Justin Bieber he saupi an rak i duh.

Nuam chiarmal tein Selena a ummi hmuh cu tha a dam ngai — aa rak capo ngai ve

An piat hnu ah Justin Bieber cu US model nu Haley Baldwin he an i um.

“Come and Get It” hlawitu Gomez cu Justin he an piat ruangah Zawl Tling bang caan saupi zuun a tuar nain, atu cu pangpar bangin caan sinah a par tthan cang.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.