19.5 C
Hakha
Monday, November 29, 2021

Samee khua ah a zaammi Chin ralzaam hna caah bawmhnak thilri an va pek hna lai

Paletwa peng, Samee khua ah aa dormi Chin ralzaam hna caah biapi in a herhmi sii, nu hman awk thil le a dang hmanawk thilril pawl pek dingin tu zingka ahkhan Kalaymyo in an i thawh.

Bawmhnak thilri pawl cu Myanmar Alliance for Transparency and Accountability (MATA) nih a hlutmi hna a si.

Paletwa peng, khuate 9 in khuami 1,500 hrawng cu an khua a him lo ruangah naite ahkhan Samee khua ah an rak zaam hna.

“Chin state cozah lei nih a herhmi thilri pawl bawmhnak pek dingin Vuanci pakhat khat cu Matupi tiang a thlah hna awk a si. Atu bantuk harnak kan ton caan ahhin Chin state cozah nih a kan daihthlanhmi a lo,” tiah MP Salai Myo Theik nih a chim.

March 16 ahkhan Chin state Sipin Vuanci U Soe Htet cu Paletwa peng, Chaing Sa Nu khuate, Htoe Nu khuate le Pon Tawt khuate pawl ah a kal i a va zoh hna.

March 14 le 15 ahkhan Kawl ralkap nih Paletwa peng, Meesawa khua, Wetma khua le Pyinetin khua ah vanlawng in bomb an thlak i khuami 21 an thi.

“Chinmi 1,500 hrawng cu Samee le Matupi khua ah an zaam i an caah a herh bikmi sii le thilpuan pawl bawmhchanhnak caah Dingdi Dream Charitable Organization le bawmtu bu dang pawl nih kan tawlrel lio a si. Bawmhnak pek a duhmi nih 095188937, 09965188937 ah pehtlaih khawh kan si,” tiah awttha Sung Tin Par nih a Facebook cahmai ah thawng a thanh. – Chin Wolrd, Khumi Media, Sung Tin Par Facebook

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi