14.1 C
Hakha
Tuesday, September 21, 2021

Rebacca Win: Thil cawk i hnawhnak in coronavirus a karh lonak dingtu i biatak deuh usih

Thinphan, lungretheih nakin thil cawk i cuh ruangah thil man a kai kho i zapi, zaran caah harnak a chuak kho tiah Myanmar ram hlasak thiam Kachin miphun Rebacca Win nih social media ah ca a ttial.

“Mi tampi cu thinphan, lungretheih ruangah caan saupi chiah awk tthami dinei pawl cu i cuh in kan cawk hna i inn ah an i chiah hna.”

“Chungkhar milu tam deuh nih tam deuh in cawk. Tangka ngeimi nih tam deuh in cawk i, i chiah si ahcun thil man pawl rianrang in a kai kho.”

“Cawkmi thil hman dih hlan ah coronavirus hna ngei ve ahcun zeitlai lo si ko lai,” tiah Rebacca Win nih thil cawk a cuh in aa cuhmi pawl a ttial hnawh hna.

Covid-19 zawtnak konghe pehtlaihin a luancia ni tlawmpal ahkhan biachokvai a leng i Kawlram chung khuapi tampi ah a ummi pawl nih dawr ah thil tampi an i cawk cio hna.

“Thil cawk i hnawh lennak in coronavirus zawtnak a karhnak hnga lo tu i biatak deuh hna usih. A herhtuk lo ahcun mibu lak ah kal lo ding le atu le kut thiang tein i ttawl hna usih,” tiah Rebacca Win nih mipi pawl ruahnak a cheuh hna.

Yangon khuapi chung um dawr ngan pipi pawl nih dawr ah thil cawk ding tling tein kan chiah i, customer pawl lungretheih ding a um lo tiah cathluan an chuah cio.

Cu pinah, thil pawl a dihnak hnga lo atu le tu thil kan chap i, lungretheih awk a um lo. Thil man zong a kai nak hnga lo kan i zuam tiah an ti fawn.

Myanmar ram ah Covid-19 zawtnak vennak, khamnak le thlopnak caah National Central Committee cu state counsellor Pi Aung San Suu Kyi nih a hruai i ramchung mipi sinah i ven ning le i ralrin ning pawl theihternak an tuah.

Myanmar ram i Ngandamnak le Zaangleknak Vuanci Zung nih thawng a thanh ning ah Myanmar ram ahcun coronavirus zawtnak a ngeimi an um rih lo ti a si. – 7Day Daily

Malaysia
2,112,175
Mizaw Hmuhmi
Updated on September 21, 2021 8:39 am
Malaysia
1,880,733
A Dammi
Updated on September 21, 2021 8:39 am
Malaysia
23,744
A Thimi
Updated on September 21, 2021 8:39 am
Malaysia
207,698
Zaw Liomi
Updated on September 21, 2021 8:39 am

Ṭial Tharmi