18 C
Hakha
Tuesday, September 21, 2021

Ramri vampang caah US Ralkap Zung nih tangka $1.5 billion a pek chap

US Ralkap Vuanci Zung (Pentagon) nih President Trump duhmi ramri vampang saknak caah Ralkap Budget chungin $1.5 billion kan pek hna, tiah Caankarlak Ralkap Vuanci Patrick Shanahan nih tuni ah a chim.

Ralkap thazaang hnorsuan lo dingin $1.5 billion hi kan zuhmi si, nain mah pin cu vampang saknak caah ralkap tangka kan zuk ti lai lo, tiah a chim.

“$1.5 billion cu ralkap phu kip budget chungin tlawmpal cio kan zuhmi fonh a si. Afghanistan um US ralkap budget chungin tambik kan zuh. Nain, Ralkap Zung rianttuan pawl hi an mak tuk hna i kan ralkap thazaang derter lo dingin tangka kan zuh khawh ko,” tiah Shanahan nih a chim.

“Ramri ah phungninglo ramdangmi a tomtom in an luh pengmi hi Ralkap Zung (Pentagon) nih kan si khawh chungin remh kan bawmh hna. Ramri Hngak pawl cu ralkap vanlawng 19 le ralkap 4,000 leng nih kan bawmh hna,” tiah a chimchap.

$1.5 billion cu US le Mexico ramri Arizona state Tucson khua in Texas state El Centro khua tiang meng 78.25 chung ramri hruang thlennak le a herhmi thilri zalhnak caah an hman lai, tiah Pentagon biachimtu Tom Crosson nih a chim.

US Ralkap Vuanci Zung lubik (headquarters of US Department of Defense) cu kil 5 ngei muisam (pentagon shape) in an sak caah a tawinak in The Pentagon asiloah Pentagon tiah an auh — Pentagon = headquarters of US Department of Defense

Florida state um Ralkap sakhan, thlichia nih a hrawhmi hmanh remh hlan ah Trump ramri vampang saknak caah ralkap tangka hman an timhmi cu Democratic party MP/Senator nih an soisel ngaingai.

$1.5 billion chungah a tambik, $604 million cu Afghanistan um US Ralkap budget chungin an zuh.

Adang $251 million cu Chemical Weapons Convention budget chungin an zuh, $344 million cu Air Force budget in an zuh, $224 million cu ralkap pension budget chungin an zuh, cun $78 million cu Coalition Support Funds (Pakistan bawmhnak) budget in an zuh.

March thla ahkhan, US Hlutdaw (Congress) nih Army budget chungin $1 billion cu ramri vampang saknak caah hman ding, tiah bia an rak khiah cang. Tutan ta he cun $2.5 billion asi cang lai.

US Ralkap cu atlangpi bu 5 in an tthen;

  • Army
  • Navy
  • Marine Corps
  • Air Force le
  • Coast Guard hna an si. President Trump nih bu 6nk Space Force dirh chap dingin nawl a chuah cang nain an dirh kho taktak rih lo, budget a ngah rih lo.

US President Donald Trump nih “ramri ah rampi poipang (national emergency) kan tong” tiin min a thut caah atu bantukin ralkap budget hmangin ramri vampang sak an timhnak hi si.

Ramri vampang saknak caah Trump nih Congress ah budget dangte in a hal peng nain Democratic MP (congressmen/women) pawl nih an duh lo caah ralkap tangka hman dingin “national emergency” phungphai a hman lawlaw nak asi.

Cucaah, Ralkap Budget $3.6 billion in ramri vampang sak ding an rak ti. Tutan $2.5 billion he cun Ralkap Budget $6.1 billion bak ramri vampang saknak caah an hman lai tinak a si.

Ramri ah phungninglo ramdangmi a tingting an luhpeng ruangah ramri hngak pawl cu manh lo taktak in an i tuai zungzal. Anmah rawl peknak caah cozah tangka tampi a dih. Rithaisii zong an luhpi lengmang. Cucaah, President Trump nih vampang sak in kham viar a duh hna. — Fox News le CNN

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi