16.6 C
Hakha
Tuesday, July 14, 2020

Chin pa a inn ah thah a tong

- Advertisement -

Rakhine state, Ann peng i Mae Let Maung khuate ah a ummi Chin pa U Khine cu September 9 zaan ah an inn ah mi nih an thah.

U Khine (kum 39) cu a inn chung ah nam sawhnak hma he a ruak in an hmuh.

“Mae Let Maung khuate ah a ummi kum 39, Chinpa cu September 9 zaan sml 12 hrawng ah mi nih nam in an sawh i an thah.”

“A nupi zong nam in an sawh. An fale tu cu zeihmanh an ti hna lo. U Khine a that tu pawl hi AA ralkap an si tiah Kawl ralkap lei nih an ti,” tiah khuami pakhat nih a chim.

September 10 zong ahkhan Thae Kan Htaung khuami Rakhine miphun pa 2 cu mi nih an thah hna i an ruak cu Htaung Gyi khua i market chung ah an va chiah. An lu an tan hna i an pum cungah an chiah.

Mah kongah Rakhine palek nih thil sining an hlat lio a si.

September 1 zong ahkhan Kyauktaw khua ah dawr ngeitu nuva hna cu an dawr pawng ah nam sawhnak hma he an ruak in palek nih an hmuh hna. – Chin World

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...