16.3 C
Hakha
Tuesday, June 15, 2021

Chairman Pu Zo Zam: CNLD nih 2020 Thimnak ah teinak kan hmuh lai

CNLD (Chin National League for Democracy) chairman Pu Zo Zam nih, “a ra laimi 2020 Thimnak ah CNLD nih Chin state ah teinak kan hmuh lai ka zumh,” tiah Irrawaddy thawngzamhca sinah a chim.

Chin party 3; CNDP, CPP le CLD cu CNLD tiah i fonh dingin Rampi Thimnak Zung (UEC) nih July 11 ah phungning tein a cohlan hna i register zong a tuahpiak cang hna.

2020 Thimnak ahcun CNLD party pakhat in an i cuh cang lai. Chin state lawng si loin Chinmi umnak Sagaing le Rakhine state/region zongah an i cuh lai.

Pu Zo Zam – CNLD Chairman

Chairman Pu Zo Zam nih, “hmailei Chin miphun ramkhel rian cu mino hna kut chung ah a um. Mah ruangah nu he pa he mino hi usa kan pek hna,” tiah a chim.

“2020 Thimnak ah teinak kan hmuh ko lai ti ka zumh. Chin state ah MP tampi ngah usih ti ka duh. Aruang cu MP tam deuh kan ngah ahcun Chin state tthanchonak rian tam deuh kan ttuan khawh lai.

“Tlukruannak, mahte khuakhan lairelnak le federal democracy rampi dirh khawhnak caah ram pumpi miphun vialte he kutsih in kan ttuan tti, i ramkhel lei in Chin miphun ningpi in kan hruai khawhnak dingah CNLD tiin kan i fonhnak si,” tiah a chimchap.

CNLD hruaitu a si vemi Pu Ngaisak nih, “Chin state peng 9 dihlak ah kan i cuh lai. Sagaing ramtthen i Chinmi umnak Kalay le Tamu zongah kan i cuh lai. Hkamti zongah kan i cuh kho men. Magwe region balte hi cu Aho Chin pawl he i ceih hmasa kan hau,” tiah a chim.

“Rakhine state zongah kan i cuh lai. Aruang cu Rakhine state um Chinmi hna nih Asho Chin tiin an i pom theng rih lo nain, Chin tiin an dir hna. Rakhine state i Minbya, Ann le Mepung peng ahcun kan i cuh ko lai.

“CNLD kan i cuhnak hmun ah NLD aa cuh ve lai. NLD nih cozah an tlaih ding hi kan duh ko nain Chinmi hmun le hma ahcun kanmah hi usa kan pe hna seh ti ka duh,” tiah a chim.

CNLD party cu register an tuah khawh cang caah pengkip ah zung an on lai i mipi biaruahnak an thok thluahmah cang lai. Pengkip committe hna hmurka hoih in MP aa cuh ding minung an thim te lai. — Irrawaddy (Burmese)

Malaysia COVID-19

Malaysia
667,876
Mizaw Hmuhmi
Updated on June 15, 2021 11:20 pm
Malaysia
593,695
A Dammi
Updated on June 15, 2021 11:20 pm
Malaysia
4,069
A Thimi
Updated on June 15, 2021 11:20 pm
Malaysia
70,112
Zaw Liomi
Updated on June 15, 2021 11:20 pm

Ṭial Tharmi